Popularne wersety biblijne z Sơnròp Gơlik Gơs 9

Udostępnij

Yàng Tom Trồ đơs tai lah: “Do la tềl sơnio bơta ho bal mơ Añ neh bơtào digùl Añ mơ bol mê mơ jơh ală phan kis ơm bal mơ bol mê, sùm sùm tòm kòp rài. Añ ơn bơrlangkang Añ jê tòm mhwal, ngui lơh gơs tềl sơnio bơta ho bal Añ jê mơ ù.

Mơ bơrlangkang rơp ơm tòm mhwal, Añ sền gŏ gơ tồ kah wơl bơta ho bal gam sùm sùm digùl Yàng Tom Trồ mơ jơh ală jơi poac să gơs bơta kis tòm ù.”

Dilah cau lơi lơh gơhòr mhàm kòn mơnus, gen rơp gơs cau ndai lơh gơhòr mhàm cau hơ̆ wơl, bơh Yàng Tom Trồ lơh gơs kòn mơnus be rùp Kơnràñ dê.

Yàng Tom Trồ ai lơngai Nôe mơ ală kòn klau khai in mơ đơs lah: “Tơnggơs tĕ bơtơl oă, lơh bềng lìu hơđang ù.

Jơh ală phan lơi wañ mơ gơs bơta kis gen mê ngui lơh gơs phan sa. Añ ai jơh phan hơ̆ be Añ ai ñhơt tơlir.

Ală phan poan jơng ơm hơđang ù, ală sềm hơđang trồ, mơ ală phan wìn kis hơđang ù, mơ ală ka tòm dàlềng rơp rngòt rngơt dê mê mơ mê rơp geh gơnoar hơđang bol gơ.

Behơ̆, ală bol mê tơnggơs tĕ bơtơl oă mơ lơh bềng lìu hơđang ù.”