Popularne wersety biblijne z Locya 6

Udostępnij

Mazonos kamo do tao an. Ta ori o ikazonos da jinyo no tao. So ikaharahara na pa no itoro na jinyo ni Ama ta do to. Ta o nakenakem nyo so tao am akman sang o nakenakem na jinyo ni Ama ta do to an.”

O apya so nakenakem a tao am apya o iwawalam na. O marahet so nakenakem a tao am marahet o iwawalam na. Ta to macilocilolo do onowned no tao o ipanci na ciring an.

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

So inaran nyo si Ama nyo do to a tey yapya so nakenakem an.

“Ji kamo manraherahet so icyatatao nyo an. No si manraherahet kamo so icyatatao nyo am akman kamo sang a raheraheten da. Ji nyo mancyan o karatan no tao, ta ori o icyakman nyo sang a ji da raheraheta no tao. Peykabobwen nyo o raraten da jinyo an. So icyakman nyo so sang a peykabobwen da so raraten no tao an.

“Am inyo rana yaomamizing so ciring ko am ko pa pakoyokoin jinyo am ikarilaw nyo o macioya jinyo a tao a kapakapya nyo so nakenakem nyo jira an. Ipeynozi nyo o maniriciring jinyo a tao an. So peynozyan nyo no tomamwad jinyo a tao an.

No si kakzeben mo o kapya da so nakem jimo no icyatatao mo am akman sang o nakem mo jira an.

No myan so tao a somiplang so posngi mo am itoro mo o asa ka posngi mo an. No myan so tao a mehes so ayob mo am itoro mo o katapil na an. No myan so amin da jimo am itoro mo an. No myan so mahap so apzapzatan mo am ji mo ngamya jira an.

“Ji meyyasi o pipya kayo so marahet an. O marahet a kayo am ji to meyyasi so pipya asyasi no kayo an.

Ta to macilocilolo do kakayokayo na o asi na. Jyabo kato nyo mamozasan do tazici so potaw a.