Popularne wersety biblijne z Locya 8

Udostępnij

O nimakas do apya so tanatana am akman so tao a omamizing so ciring na ni Ama ta do to a meyngongyod a meyhanhan nya do onowned da.

O nimakas do katamtamkan am akman so tao a omamizing so ciring na ni Ama ta do to am aro o ikalaw da kano ikakza da nizpi a kano meykamadadayan a ikakza no tao. Am ori o ji na meypakatkaci no onowned da ji Ama ta do to.

O nimakas do kavatovatwan am akman so masasaray a omamizing so ciring na ni Ama ta do to am ji makayamot do onowned da. No myan so alalaw da am makeykai sira kalittan. Am ori o ji da rana meyhanhani ni Ama ta do to.

Maniring si Yeso jira am, “Nyo ji meyhanhanan nyaken.” So nisavasavakan da nya. Maniring sira do kadwan jira am, “Sinosino ya tao. Ta na to nirsirnga o rako a pagpag am na to ngamiznga.”

O nimakas do rarahan am akman so tao a omamizing so ciring ni Ama ta do to a kangay na mahap sya ni Satan do onowned da. So ji da nganoyngi jya, ji da makahapi so karilawan na nira ni Ama ta do to.

Ta abo o matayo a vazay a jyababa. Akman sang, ta tana nyo jyatenngi sicyakwaya o nanao ko jinyo am katenngan nyo no makwa.

Meylamdam na no mavakes o kaji na rana makapowziban so kanimapya na rana am to zikzik a mangay a meylilitod do tangain ni Yeso kapanci na no peypeypangayan no mina kapinan na jya, na kapya rana no ingingnen na. So nimiminan na sya patwawen do aro a tao. Maniring si Yeso jya am, “Manganako, ka manoyong a meyhanhan nyaken. Makapiya ka so onowned a mangay rana. Ta yarana apya o ingingnen mo.”

Am ori o nyangay da amyokay si Yeso. Maniring sira am, “Mo Mangnanao, mo Mangnanao, tanyo na marahet!” Mayokay si Yeso am sirsirngen na o rako a pagpag a kano paopaong am nikakeykai na rana meyhanahanang.