Popularne wersety biblijne z Génesis 1

Udostępnij

Chaymantam Dios nirqa: Runata ruwasun ñoqanchikman rikchakuqta, ñoqanchik kaqllata; challwakunapi, alton pawaq animalkunapi, qasqonpa puriq urukunapi chaynallataq tukuy rikchaq animalkunapi munaychakunanpaq, nispa. Diosmi runata unancharqa kikinman rikchakuqta, qaritawan warmitam unancharqa.

Paykunata bendecispanmi Dios nirqa: Anchata miraspa kay pachaman huntaychik, hinaspa munaychakuychik challwakunapi, alton pawaq animalkunapi, qasqonpa puriq urukunapi, tukuy rikchaq animalkunapipas, nispa.

Tukuy imapa qallariyninpiqa Diosmi unancharqa hanaq pachatawan kay pachata.

Kay pacham mana imayuq hatun chaqwa karqa, tutayaypa pampasqan uku-uku lamar qocham karqa, Diospa Espiritunñataqmi yakukunapa hawanpi muyurqa.

Diosmi nirqa: Achkiy kachun, nispa. Hinaptinmi achkiy karqa.

Diosmi qawarqa unanchasqankunaqa llumpay allin kasqanta. Chaymi tardeykuqmanta paqarinnintin tardeykuqkama soqta kaq punchaw karqa.

Diosmi chay achkiyta allin kasqanta qawarqa hinaspam tutayaymanta chay achkiyta rakirqa

Chaymantam Dios nirqa: Kay pachapi muhuyuq llapallan plantakunatawan muruyuq sachakunatam mikunaykichikpaq qoykichik.

chay achkiytam “punchaw” nispa suticharqa, tutayaytañataq “tutawan”. Hinaptinmi tardeykuqmanta paqarinnintin tardeykuqkama punta kaq punchaw karqa.

Chaymantam Dios nirqa: “Yakukuna rakinaq vacío kachun, chaynapi yakukuna rakinasqa kananpaq”, nispa.

Alton pawaq animalkunaman, qasqonpa puriq urukunaman hinaspa tukuy rikchaq animalkunamanñataqmi mikunankupaq pastokunata qoni, nispa. Hinaptinmi chayna karqa.

Chaymantam Dios nirqa: Cielopi rikurichun punchawtawan tutata rakinaq achkiqkuna, chaynapi watakuna, killakuna hinaspa punchawkuna kananpaq.

Dios nirqa: Allpamanta tukuy rikchaq plantakuna wiñamuchun: Qorakuna, tukuy rikchaq sachakuna, rurunpitaq murun kachun; sapakama muhunman chaynataq murunman hina, nispa. Hinaptinmi chayna karqa.

Diosmi ruwarqa yaku rakinaq vaciota, hinaspam vaciopa ukunpi kaq yakuta rakirqa vaciopa hawanpi kaq yakukunamanta. Hinaptinmi chayna karqa.

Allpamantam wiñamurqa tukuy rikchaq qorakuna sapakama rurunman hina muhuyuq, chaynataqmi ruruq sachakunapas sapakama rurunman hina muruyuq. Chaymi allin kasqanta Dios qawarqa.

Hinaspanmi Dios iskay hatun achkiqkunata unancharqa: Hatun kaqtam punchawpi achkinanpaq, taksa kaqtañataq tutapi achkinanpaq. Unancharqataqmi chaskakunatapas.

Chaymantam Dios nirqa: Cielopa ukunpi yakukuna huk hawaqllaman huñunakuptin chaki allpa rikurichun, nispa. Hinaptinmi chayna karqa. Diosmi chaki kaqta “allpa” nispa suticharqa, huñunasqa yakukunatañataqmi “lamar qochawan” suticharqa. Chaykuna allin kasqanta qawaspanmi

Tukuy chaykunata bendecispanmi Dios nirqa: Anchallataña miraspa lamar qochapi yakukunaman huntaychik, mirachuntaq kay pachapi alton pawaq animalkunapas, nispa.

Chaymantam Dios nirqa: Allpamanta paqarimuchun castanman hina tukuy rikchaq animalkuna, uywa animalkuna, qasqonpa puriq urukuna, tukuy rikchaq purun animalkunapas, nispa. Hinaptinmi chayna karqa.

Chaymantam Dios nirqa: Yakukunapi paqarichun tukuy rikchaq animalkuna, paqarimuchuntaq kay pachapi alton pawaq animalkunapas, nispa.

Diosmi unancharqa castanman hina: Purun animalkunata, uywa animalkunata hinaspa qasqonpa puriq urukunatapas. Diosmi qawarqa chaykuna allin kasqanta.