Popularne wersety biblijne z ᠢᠣᠸᠠᠨ 16

Udostępnij

ᠮᠢᠨᠦ ᠠᠮᠤᠷ ᠤᠨ ᠲᠠᠨᠤ ᠳᠣᠲᠣᠷ᠎ᠠ ᠪᠠᠶᠢᠬᠤ ᠶᠢᠨ ᠲᠤᠯᠠ ᠪᠢ ᠪᠡᠷ ᠡᠨᠡ ᠮᠡᠲᠦᠰ ᠢ ᠲᠠᠨ ᠳᠤᠷ ᠥᠭᠦᠯᠡᠪᠡᠢ᠃ ᠲᠠ ᠪᠡᠷ ᠶᠢᠷᠲᠢᠨᠴᠦ ᠳᠦᠷ ᠵᠣᠪᠠᠯᠠᠩ ᠲᠤ ᠪᠣᠯᠬᠤ ᠪᠣᠯᠤᠶᠤ᠃ ᠲᠡᠶᠢᠨ ᠪᠣᠯᠪᠠᠴᠤ ᠵᠣᠷᠢᠮᠠᠭᠠᠢ ᠰᠡᠳᠬᠢᠯ ᠢᠶᠡᠷ ᠪᠠᠶᠢᠭᠲᠤᠨ᠃ ᠪᠢ ᠪᠡᠷ ᠶᠢᠷᠲᠢᠨᠴᠦ ᠶᠢ ᠳᠡᠶᠢᠯᠦᠭᠰᠡᠨ ᠪᠤᠢ ᠅

ᠵᠦᠭᠡᠷ ᠲᠡᠷᠡ ᠬᠦ ᠦᠨᠡᠨ ᠦ ᠲᠣᠳᠤᠳᠬᠠᠯ ᠠᠨᠤ ᠢᠷᠡᠬᠦᠢ ᠳᠡᠭᠡᠨ ᠲᠠᠨ ᠢ ᠠᠯᠢᠪᠠ ᠦᠨᠡᠨ ᠳᠦᠷ ᠤᠳᠤᠷᠢᠳᠬᠤ ᠪᠤᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠷᠡ ᠢᠨᠦ ᠥᠪᠡᠷ ᠦᠨ ᠪᠡᠶ᠎ᠡ ᠡᠴᠡ ᠦᠯᠦ ᠥᠭᠦᠯᠡᠨ᠂ ᠠᠯᠢᠪᠠ ᠰᠣᠨᠣᠰᠤᠭᠰᠠᠨ ᠢᠶᠠᠨ ᠥᠭᠦᠯᠡᠨ᠂ ᠢᠷᠡᠭᠡ ᠡᠳᠦᠢ ᠴᠠᠭ ᠤᠨ ᠶᠠᠭᠤᠮᠠᠳ ᠢ ᠲᠠᠨ ᠳᠤᠷ ᠦᠵᠡᠭᠦᠯᠬᠦ ᠪᠣᠯᠤᠶᠤ᠃

ᠡᠳᠦᠭᠡ ᠪᠣᠯᠲᠠᠯ᠎ᠠ ᠲᠠ ᠪᠡᠷ ᠮᠢᠨᠦ ᠨᠡᠷ᠎ᠡ ᠪᠡᠷ ᠶᠠᠭᠤᠨ ᠢ ᠴᠤ ᠡᠰᠡ ᠡᠷᠢᠭᠰᠡᠨ ᠪᠤᠢ᠃ ᠲᠠᠨᠤ ᠪᠠᠶᠠᠰᠬᠤᠯᠠᠩ ᠲᠦᠭᠡᠮᠡᠯ ᠪᠣᠯᠬᠤ ᠶᠢᠨ ᠲᠤᠯᠠ ᠡᠷᠢᠭᠲᠦᠨ᠃ ᠲᠡᠶᠢᠨ ᠪᠡᠷ ᠲᠠ ᠪᠡᠷ ᠬᠦᠷᠲᠡᠬᠦ ᠪᠣᠯᠤᠶᠤ᠃

ᠲᠡᠶᠢᠨ ᠪᠣᠯᠪᠠᠴᠤ ᠮᠢᠨᠦ ᠣᠳᠬᠤᠢ ᠠᠨᠤ ᠲᠠᠨ ᠤ ᠲᠤᠯᠠ ᠬᠡᠷᠡᠭᠲᠦ ᠪᠣᠯᠠᠢ᠂ ᠬᠡᠮᠡᠨ ᠪᠢ ᠪᠡᠷ ᠲᠠᠨ ᠳᠤᠷ ᠦᠨᠡᠬᠡᠷ ᠥᠭᠦᠯᠡᠮᠦᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠬᠡᠷᠪᠡ ᠪᠢ ᠪᠡᠷ ᠦᠯᠦ ᠣᠳᠬᠤ ᠪᠥᠭᠡᠰᠦ᠂ ᠠᠮᠤᠷᠠᠭᠤᠯᠤᠭᠴᠢ ᠠᠨᠤ ᠲᠠᠨ ᠳᠤᠷ ᠦᠯᠦ ᠢᠷᠡᠬᠦ ᠪᠤᠢ᠃ ᠵᠦᠭᠡᠷ ᠪᠢ ᠪᠡᠷ ᠣᠳᠬᠤᠯᠠ ᠲᠡᠭᠦᠨ ᠢ ᠲᠠᠨ ᠳᠤᠷ ᠢᠯᠡᠭᠡᠰᠦ᠃ ᠲᠡᠷᠡ ᠢᠨᠦ ᠢᠷᠡᠬᠦᠢ ᠳᠡᠭᠡᠨ ᠬᠢᠯᠢᠨᠴᠡ ᠶᠢᠨ ᠤᠴᠢᠷ᠎ᠠ ᠬᠢᠭᠡᠳ ᠵᠥᠪ ᠦᠨ ᠤᠴᠢᠷ᠎ᠠ ᠪᠠ ᠵᠠᠷᠭᠤᠨ ᠤ ᠤᠴᠢᠷ᠎ᠠ ᠶᠢᠷᠲᠢᠨᠴᠦ ᠶᠢ ᠤᠬᠠᠭᠤᠯᠬᠤ ᠪᠤᠢ᠃

ᠲᠡᠷᠡ ᠮᠡᠲᠦ ᠪᠡᠷ ᠡᠳᠦᠭᠡ ᠲᠠᠨ ᠳᠤᠷ ᠭᠠᠰᠠᠯᠠᠩ ᠪᠤᠢ᠃ ᠬᠠᠷᠢᠨ ᠪᠢ ᠪᠡᠷ ᠲᠠᠨ ᠢ ᠳ᠋ᠠᠬᠢᠨ ᠦᠵᠡᠰᠦ᠃ ᠲᠡᠶᠢᠨ ᠬᠦ ᠲᠠᠨᠤ ᠵᠢᠷᠦᠬᠡᠨ ᠢᠨᠦ ᠪᠠᠶᠠᠰᠬᠤ ᠪᠥᠭᠡᠳ᠂ ᠲᠠᠨᠤ ᠪᠠᠶᠠᠰᠬᠤᠯᠠᠩ ᠢ ᠬᠡᠨ ᠴᠤ ᠲᠠᠨ ᠠᠴᠠ ᠪᠤᠯᠢᠶᠠᠵᠤ ᠦᠯᠦ ᠠᠪᠬᠤ ᠪᠤᠢ᠃ ᠲᠡᠷᠡ ᠬᠦ ᠴᠠᠭ ᠲᠤᠷ ᠲᠠ ᠪᠡᠷ ᠨᠠᠳᠠᠴᠠ ᠶᠠᠭᠤᠨ ᠢ ᠴᠤ ᠦᠯᠦ ᠠᠰᠠᠭᠤᠬᠤ ᠪᠤᠢ᠃ ᠲᠠ ᠪᠡᠷ ᠡᠴᠢᠭᠡ ᠡᠴᠡ ᠮᠢᠨᠦ ᠨᠡᠷ᠎ᠡ ᠪᠡᠷ ᠶᠠᠭᠤᠨ ᠢ ᠴᠤ ᠡᠷᠢᠬᠦ ᠪᠥᠭᠡᠰᠦ᠂ ᠲᠡᠷᠡ ᠢᠨᠦ ᠲᠠᠨ ᠳᠤᠷ ᠥᠭᠬᠦ ᠪᠤᠢ᠃ ᠬᠡᠮᠡᠨ ᠪᠢ ᠪᠡᠷ ᠲᠠᠨ ᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠮᠦᠢ᠃

ᠮᠢᠨᠦ ᠲᠠᠨ ᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠬᠦᠢ ᠢᠨᠦ᠂ ᠲᠠ ᠪᠡᠷ ᠤᠶᠢᠯᠠᠵᠤ ᠭᠠᠰᠢᠭᠤᠳᠠᠬᠤ᠃ ᠬᠠᠷᠢᠨ ᠶᠢᠷᠲᠢᠨᠴᠦ ᠢᠨᠦ ᠪᠠᠶᠠᠰᠬᠤ ᠪᠣᠯᠤᠶᠤ᠃ ᠲᠠ ᠪᠡᠷ ᠵᠣᠪᠠᠬᠤ ᠪᠣᠯᠪᠠᠴᠤ᠂ ᠲᠠᠨ ᠤ ᠵᠣᠪᠠᠯᠠᠩ ᠠᠨᠤ ᠪᠠᠶᠠᠰᠬᠤᠯᠠᠩ ᠳᠤᠷ ᠬᠤᠪᠢᠯᠭᠠᠭᠳᠠᠬᠤ ᠪᠤᠢ᠃