Popularne wersety biblijne z मत्ती 7

Udostępnij

सै जे तुहांरियां जरूरतां इयां तिसजो परमेशरा ते मंगा, तिस सै तुहांजो देणा; टोल़गे तां तुहां पाणा, खटखटाणा जारी रखा कने दरवाजा खोल्या जाणा।

काँह्भई सै जे कोई मंगां, तिस्सो मिलां; कने सै जे टोल़ां, सै पां; कने सै जे खड़कां, तिस खातर दरवाजा खोल्या जाणा।

इस खातर हुण सै जे कोई मेरियां गल्लां सुणीने तिन्हां पर अमल कराँ, तिसरी तुलना तिस समझदार माहणुये ने हूणी तिने जे अपणे मकाना री निऊँ चट्टाना पर बणाई।

इस खातर हरेक माहौल्ला च लोकां ने तुहांरा बर्ताव ठीक तियां इ हो जिस तरिके रे बर्तावा री आशा जे तुहें अपणे खातर करां ये, काँह्भई व्यवस्था कने भविष्यवक्तयां री शिक्षा बी येई हाई।

काँह्भई तंग आ सै दरवाजा कने मुश्कल आ सै रस्ता सै जे अनन्त जीवना रिया तरफा जां; इस खातर बौहत इ थोड़े लोक ये सै जे तिसच दाखल हुआं ये।

परमेशरा रे राज्जा च जाणे रा रस्ता तंग दरवाजे ते हुईने जां। काँह्भई चौड़ा सै दरवाजा कने सान आ सै रस्ता सै जे नरका तक लेई जां; इस खातर बौहत सारे लोक ये सै जे तिसच दाखल हुआं ये।

इस खातर तां जे तुहें बुरे हुईने, अपणयां बच्चयां जो खरियां चिज़ां देणा जाणाँ ये, तां तुहांरा स्वर्गीय पिता अपणे मंगणे औल़यां जो खरियां चिज़ां काँह नीं देंगा?

“किसी पर इल्जाम नीं लगावा, नईतां तुहां पर बी इल्जाम लगणा। काँह्भई जिस तरिके ने तुहें इल्जाम लगां ये, तियां इ परमेशरा तुहांरा बी न्याय करना; कने तियां जे तुहें दुज्जेयां रा न्याय कराँ ये, तियां इ तुहांरा बी न्याय हूणा।”

“पर सै जे मेरियां गल्लां सुणां पर तिन्हां पर नीं चलदा, सै तिस मूर्ख माहणुये साई हूणा तिने जे अपणा मकान रेता पर बणाया।

“किसी रियां छोट्टी-छोट्टी भूलां पर ध्यान मता देन्दे, तियां जे भई किसी रिया आक्खीं च पैईरे तिनके जो देखणा; पर तिज्जो अपणे अन्दरा री बुराई नीं सुझदी सै जे लट्ठे साई बौहत बड्डी? तां जे तेरे इ अन्दर बुराई समाईरी, तां तू अपणे भाईये जो कियां बोल्ली सक्कां, भई ‘ल्या भाई हऊँ तेरिया कमियां जो दूर करी दूँ?’

“झूट्ठे भविष्यवक्तयां ते बचीने रौआ! सै तुहांले आमतौर पर भेड्डां रे रुपा च औआं यें, पर हकीकत च सै खूँखार भेड़िये सै जे लोकां पर हमला करां ये। तिन्हांरे कम्मां ते तुहां तिन्हांजो पछयाणी लेणा। क्या कोई बराड़ियां ते अँगूर, कने ऊँटकटाराँ ते अंजीर तोड़ां ये?

इस तरिके ने सारे खरे पेड़ खरा फल़ दें कने सारे बुरे पेड़ बुरा फल़ दें।

खरे पेड़ा पर बुरे फल़ नीं लगी सकदे, कने नां बुरे पेड़ा पर खरा फल़ लगी सक्कां।

माहणु तिन्हां सारयां पेड़ां जो बड्डी टुक्की ने अग्गी च फुकी देआं, तियां इ झूट्ठे भविष्यवक्तयां सजा पाणी।