Popularne wersety biblijne z मत्ती 9

Udostępnij

फेरी यीशुये अपणे चेलयां ने गलाया, “बौहत लोक सै जे मेरा सन्देश सुणने रे खातर त्यार ये सै तिस खेता साई ये सै जे फसला रिया बिजाईया खातर त्यार आ, पर मेरा सन्देश लोकां जो सुनाणे औल़े बड़े कम लोक ये। इस खातर परमेशरा ने प्राथना करा कने पुच्छा भई सै अपणिया फसला जो कठेरने कने मेरा सन्देश सुनाणे खातर बौहत मजदूर भेज्जी दो, तियां जे खेता रा मालक अपणे खेता रिया फसला जो कठेरने खातर बौहत सारे मजदूर भेज्जां।”

इस खातर तुहें जाईने इसरा मतलब सिक्खी लौआ, भई हऊँ बलिदान नीं चाहन्दा पर दया चाँह; काँह्भई हऊँ धर्मियां जो नीं, पर पापियां जो सदणे आईरा।”

यीशु ताहली जे कई लोकां जो देक्खां तां तिस्सो लोकां पर तरस आया, काँह्भई सै लोक तियां इ सताईरे कने मजबूर थे, तियां जे सै भेड्डां हुआं इयां तिन्हांरा जे कोई रखवाल़ा नीं हुन्दा।

ये सुणी ने यीशुये तिन्हांने गलाया, “भले चंगयां जो नीं पर बमाराँ जो डाक्टरा री जरूरत हुआंईं।

फेरी यीशु कने तिसरे चेले गलील प्रदेशा रे बौहत सारे नगराँ कने गाँवां च गये कने तिन्हां रयां यहूदी सभा घराँ च उपदेश करदा, कने परमेशरा रे राज्जा री खुशखबरिया रा प्रचार करदा, कने हरेक किस्मा रियां बमारियां कने कमजोरियां जो दूर करदा रैया।