Popularne wersety biblijne z Lukas 11

Udostępnij

Ngarud, orey dakayu nga toley nga uwed kinadake̍c na, emmu nu met latta ya mange̍cde̍ ka nabaru kadiya anac nu. Ket no ya Ama nu nga uwed ka langit, di ngarud nangnangruna ya panange̍cde̍ na iya Ispiritu Santu kadiya agadeng igina?” kunen na.

“Ket agten kayu kuma pe̍ iyan no agkararag kayu, ta agadeng kayu kuma e̍ Apu Diyus, ket mae̍cdan kayu ngarud. Agsapul kayu, ket makasmac kayu ngarud. Agtogtog kayu, ket mailukat ya ruwangan dakayu.

Ta amin nga agadeng, mae̍cdan da. Ket ya agsapul, makasmac. Ket ya agtogtog, mailukat ngarud para igina ya ruwangan.

Ket kinunen ne̍ Je̍sus igida, “No agkararag kayu, agten idi ya kunen nu: ‘Ama, madaydayaw kuma ya napudnu nga turay mu. Madatngan kuma ya panangituray mu.

Se̍ pakawanen nakami kuma kadiya basbasul mi, ta dakami, pakawanen mi met diya amin nga nakabasul dakami. Se̍ di nakami kuma iturung ka pakasulisugan.’”

E̍cde̍m kay dakami ya inalgew nga masapul mi nga pagbiyag.

“Ket ya mata niya toley, itu ya maiyarig ka pannakadilag niya beggi na. No nabaru ya matam, paglaingan niya amin nga beggim ya wada. Ngem no bekken nga nabaru ya matam, arig nga uwed iya gicbet ya beggim.

“Agten idi:” kinunen manin ne̍ Je̍sus, “Ya toley nga mangisibet ka dilag, madi na met isoroc, se̍ di na pe̍ tacban ka salupan, no di lugud ipay na iya kustu nga pakaipayan na, tasun diya toley nga umuneg iyan nga edyan, masingen da ya wada na.