Popularne wersety biblijne z Jɔ̃́ɔ́ 12

Udostępnij

Nyɔ mɔ̀ nyɔ ɓɛ́ ɔ mɔ́ ɓɛ́ ɔ ké ḿ bìì kũ̀à nyuɛɛ, ḿ kèɔ̀ kè mɛ naìn mú, ɓɛ́ dɛ̀ ní mu nììn nyɛɛ, ɖéɛ̀ ní gbo-nì-nyɔ̀ɔ̀ ké nì. Ḿ Ɓǎ mu nyɔ mɔ̀ nyɔ ɓɛ́ ɔ nyu ḿ bìì kũ̀à kɛɛ kpéín dyéìn.”

Nyɔ mɔ̀ nyɔ ɓɛ́ ɔ ɖɛ̀ɓɛ̀ ɔ fɛ̀ɛ̀ɔ̀ múɛɛ, ɔ fɛ̀ɛ̀ɔ̀ mu ɔ xwa sɔ̀ùn. Nyɔ mɔ̀ nyɔ ɓɛ́ ɔ nyɛ́ ɔ fɛ̀ɛ̀ɔ̀ mú nɔ̄ ɓóɖó-kpàà kɔ̃ɛɛ, ɔ fɛ̀ɛ̀ɔ̀ mu ɔ xwa sèìn, ɓɛ́ ɔ ké cĩ́ ɓó sè-ná-sèɛ̀ tiín.

Ḿ cɛ̃ ɓě jǎà gbo, mɔɔ́-xwɛ̃̀ mɔ̀ mɔɔ́-xwɛ̃̀ dyúáɖò pū, ɔ kpá dyɛɛ ɓíɖíi, ké ɔ mu ɓóɖóún, ké ɔ mɛ́ dyɛ hwɛ̀. Ɔ dyi mɛ́ín, ɔ zaìn dúún ɓáún-ɓáún.

Ḿ dyi ɓóɖó-kpàà kɔ̃, ɓɛ́ ḿ ké ɓóɖó-kpàà ce jǔ, ɓɛ́ nyɔ ɓě ɓɛ́ wa taɓa ḿ hwìɖǐǐɛɛ ké se tíe-kpòɔ̀ mú sè.

Nyɔ ɓě ɓɛ́ wa wɔ̃́ ní wuɖuɔ̀ ké wa seɛ nyuɛɛ, ḿ se wa zaa wɔ̃ poɛ́ mu. Ḿ se ma dyi, ɓɛ́ ḿ ké ɓóɖó-kpàà nyɔ ɓě zaa kpɔ̃̀ìn. Ḿ dyi, ɓɛ́ ḿ ké wa póìn.

Ké Meɖé ɖú ma cáná nɔ̀mɔ̀ nyɔ́ún ɓɛ́ wa ɖáìn náà kɛɛ kópò-wè sɔ̃́ dyí, ké ɔ poɛ ma Jízɛ̀ ɓoi, ké ɔ tìnììn ma ɓó ɔ míɔ̀ dyi. Cánáɔ̀ kpa ma wíɖí pàɖǎ mìɔ, ké ɔ nyɔ́ɔ̀ dyíìn ma gbǒɔ̀ múin.

Ɔ jèɛɛ, wa ɖú ma hwɛ̃-mì ɓě dyí, ké wa mu ma ɔ hwìǐ kpɔ̃uń. Ké wa páná ma mú, ké wa ɖá, “Ɓěà ɓàìn Gèɖèpɔ́ɔ̀. Mana mɛ nì nyɔ ɓɛ́ ɔ dyi ɖé Bounɓoɔ̀ nyɛ́nɛ́ɔ̀ múɛɛ kɔ̃.”

Hwɛ̀ ké Jízɛ̀ cɛ̃ɛ ma wa gbo, ké ɔ ɖá, “Tiɔ̀ ɖǎ nyini, ɓɛ́ mɔ̄ Nyɔǔn-dyùɛ̀ Dyú-gààɔ̀ ké dĩ́ín-dĩ̀ìn ɓéɖé.