Popularne wersety biblijne z Jɔ̃́ɔ́ 16

Udostępnij

Ḿ cɛ̃ ɓě ɖɛa gbo, ɓɛ́ kà ɓě nìà ɖé ḿ múɛɛ, ɓě ké gìɖìǐ ɓéɖé. Ɓóɖó-kpàà nyɔ ɓě mu ɓě gǎ dyéìn, kɛɛ ɓěɛ̀ hwòɖǒ mɛ dè dyi. Ḿ ɖǎ ɓóɖó-kpàà nyɔ ɓě toún ɖu.”

Kɛɛ ti ɓɛ́ jǎà Zùùɔ̀ mu dyiìn nyɛɛ, ɔ mu ɓě ɖɛ ɓě mɔ̀ jǎà kɛɛ séín dyí tɛ̀mɛ̀ìn. Ɖɛ ɓě ɓɛ́ ɔ mu cɛ̃ìn nyɛɛ se ɖé ɔ mìɔùn mú sɔ̀ǐn mu. Ɔ mu ɖɛ ɓɛ́ ɔ wɔ̃́ kɛɛ ɓě gbo cɛ̃ìn, ké ɔ mu ɖɛ ɓě nì ɖé dyúa kɛɛ jè ɓě gbo cɛ̃ìn.

Ɓó kàǔn wɛ̃ɛ, ɓě séè ɖɛ ɖò zɔ̀ ɖé ní nyɛ́nɛ́ mú. Ɓě zɔ̀ɔ̀, ké ɓě muɛ dyéìn, ɓɛ́ ɓěɛ̀ múàɔ̀ ké gbɔ hwɛ̀.

Kɛɛ wɛ̃́ɛ́ kɛɛ, ḿ cɛ̃ ɓě jǎà gbo, ɔ nɔ̀mɔ̀ dyíin ɓó ɓě bìì kà ɓɛ́ ḿ nìà muɛń nyɛ. Sepóɛɖé ɔ jǔ ké ḿ se muín, Gbo-kpá-nyɔ̀ɔ̀ se ɓě gbo dyiɛ́ mu. Kɛɛ ɔ jǔ ké ḿ dyi muín, nìí, ní mu ɔ ɓě gbo tòùn. Ké ɔ dyi dyiín, ɔ muɛ ɓóɖó-kpàà nyɔ ɓěɔ̀ dyí tɛ̀mɛ̀ìn kà ɓɛ́ wa bĩ ɖɛ xwa ɓá nàmàǔn kè ɖɛ mɔ̀ dyí-sɛ́ɖɛ́ìn-ɖɛ̀ kɛ ɔ kè Gèɖèpɔ́ɔ̀ zaa-wɔ̃-po-po jè dyíɛ.

Kǎà ɓě jè nì. Wìì nyu ɓě kàǔn, kɛɛ ní mu ɓě dyéìn ɖe, ké ɓěɛ̀ hwòɖǒ mu múàǔn kpáùn, ké nyɔ ɖò se ɓě múàɔ̀ xwa zàǎ mu. “Ɓó wéa ɓaɖaa, ɓě se ḿ ɖɛ ɖò zɔ̀ǐn mu. Ḿ cɛ̃ ɓě jǎà gbo, Ɓǎɔ̀ mu ɖɛ séín ɓě ɓɛ́ ɓě zɔ̀ ɔ ɖé ní nyɛ́nɛ́ múɛɛ ɓě nyíìn.

Ḿ cɛ̃ ɓě jǎà gbo, ɓě mu kpé poùn, ké ɓě mu vĩ̌ìn, kɛɛ ɓóɖó-kpàà nyɔ ɓě mu múàǔn kpáùn. Wìì mu ɓě nyuùn, kɛɛ ɓěɛ̀ wììɔ̀ mu múà mú zɛ̃̀ìn.