Popularne wersety biblijne z Ɖúù 22

Udostępnij

“Ḿ Ɓǎ, ɔ jǔ ké nì hwòɖǒɔ̀ dyi wɔ̃́ ní, nìí, m̀ mɛ zà dà gǎ-kòpò nìà kɛ ɓó ḿ bũ̌. Kɛɛ wɛ̃́ɛ́ kɛɛ, m̀ mɛ nyu ɖɛ nì hwòɖǒɔ̀ mɔ́ kɛ. Mɔ̀ǔn ɖá ɓɛ́ m̀ ké ní hwòɖǒɛ̀-mɔ́ɔ́-ɖɛ̀ nyu.” [

Kɛɛ ḿ ɖǎ ɓaà ɓó m̀ bìì, ɓɛ́ nì hwìɖǐǐ-taɓa-taɓaɔ̀ ké se ɓíɖíi dyi kpá gàná cá. Ɔ jǔ ké m̀ dyi ḿ gbo gmɔ̀ìn ɖe ní, nìí, m̀ mɛ kùìn nì ɖíí ɓěɔ̀ mɔ̀ùn dyi.”

Ké ɔ zà ma bɛɖɛɛ̀ɔ̀ ɖò ɓó, ké ɔ po ma Gèɖèpɔ́ɔ̀ zùo, ké ɔ jaɖaìn ma kpói. Ké ɔ nyíɛ ma wa, ké ɔ ɖá, “Ɖɛ nìà kɛ mɔ̀ ní kpóɖó-dyùà [ɓɛ́ ḿ tò ɓě bììɛ. Ɓě mɛ nyu ɖɛ nìà kɛ, ɓɛ́ ɔ ké ní jè ɓě hwìɖǐi dyà.”

Kà dyúáɖòɔ̀ kǎà, ti wa ɖǎ ma ɖɛ ɖiɛ hwɔɔ, ɔ ɖú ma kópòɔ̀ dyí, ké ɔ ɖá, “Wã́ìn-kòpò ɓɛ́ ḿ púè kà ɓě bììɛɛ mɔ̀ dèè-wùɖù ɖìè ɓɛ́ ní nyɔmɔɔ̀ nyuɛ ké ɔ ɖǎà ɖɛ kpa kɛ.]

Ɔ nì ma gǎ dyéɛń mìɔ, ké ɔ ɓaà ma mìɔ cá. Zu ɓɛ́ ɔ wóɖó ma ɔ kɛɛ nì kà nyɔmɔɔ-ɓò téà ɓíɖíiɛ.]

Ɔ se ɓéɖé ɓɛ́ ɔ ké ná nì ɖé ɓě hwìè. Kɛɛ nyɔ vɛ̀nɛ̀ ɓɛ́ ɔ nì ɖé ɓě hwìɛ̀ kɛɛ mɛ nì kà dyú-gbɔ́ɔ́ nìà kɛ, ké nyɔ-nàìn-nyɔ̀ɔ̀ mɛ nì kà gbo-nì-nyɔ̀ nìà kɛ.

Púɛɛ, Jízɛ̀ cɛ̃ɛ ma ɔ gbo, ké ɔ ɖá, “Píɖɛ̀, ḿ cɛ̃ɛ m̀ gbo, hwɛ̀ ɓɛ́ sòò ké wuɖu po ɓó zɛ̃̌ɛ̀ ní, nì mu ní jè mú-doìn-kpà tã nyuùn.”