Popularne wersety biblijne z KEUJADIAN 15

Udostępnij

Brahim meuiman ubak TUHAN, dan sabab nyan kheueh TUHAN geuteurimong gobnyan sibagoe ureuëng nyang peugalak até Gobnyan.

Óh lheueh nyan Brahim geuteurimong nyang deuh teukalon dan geudeungoe laju TUHAN meufeureuman ubak gobnyan, “Bék gata takot, hei Brahim, Ulôn teuma Lôn lindong gata nibak sigala bahaya, dan Ulôn jok keu gata upah nyang paleng raya.”

TUHAN geuba Brahim uluwa dan laju geupeugah ubak gobnyan, “Tangah kheueh ulangét, dan gata kalon kheueh bintang-bintang nyang na disinan, cuba kheueh gata itong padub na jeumeulah jih bintang nyan banmandum; dan lagée bintang nyang le nyan kheueh teuma na keuturonan gata.”

Óh lheueh nyan Brahim geudeungoe TUHAN meufeureuman ubak gobnyan, “Bukon namiet gata nyang teuma jeuet keu ahli waréh hareuta gata nyan, nyang jeuet ahli waréh atra gata nyan na kheueh aneuëk agam gata keudroe.”

TUHAN meufeureuman ubak gobnyan, “Ingat kheueh, keuturonan gata teuma jeuet ureuëng aséng di nanggroe laén; awaknyan teuma jeuet keunamiet di nanggroe nyan dan jipeunamiet peuet reutoh thon treb jih.

Teuma lé Brahim geupeugah lagée nyoe, “TUHAN Nyang Mahamanyang, TUHAN hana geubri aneuëk ubak ulôn. Ureuëng nyang jeuet keu ahli waréh hareuta lôn na kheueh Eliezer, namiet ulôn nibak Damsyik. Teuma, keupeuguna jih TUHAN geubri upah keu ulôn?”

Bak watée nyan TUHAN Allah laju geupeugét peujanjian ngon Brahim. Feureuman TUHAN, “Ulôn meujanji teuma Lôn bri ubak keuturonan gata banmandum tanoh nyoe, phon nibak bataih nanggroe Meusé sampoe troh u Krueng Efrat

Óh ka lheueh trok bak peuet boh keuturonan, aneuëk cucoe gata teuma jiriwang keunoe, sabab Ulôn hana Lôn use ureuëng Amori sigohlom awaknyan biet-biet that ka jeuet keu ureuëng jeuhet sampoe peureulée teuhuköm.”