Popularne wersety biblijne z Genesisi 9

Udostępnij

Se Txizimu txi to kha txona: “Txikombiso txa Txitumelelano txi ni txi mahako hagari kwangu ni nanu, ni sotshe sivangwa si mi ku naso, ni votshe vanana va liveleko la ka kwanu, va masiku awa matako, ngu txiya: Ni vekile wulaho wangu marefuni, wu na maha txikombiso txa Txitumelelano, hagari kwangu ni mafu.

Ngako wulaho wa nzumani wu di ha mafuni, ani ni na wu wona, ni txi alakanya mhaka ya Txitumelelano txo mbi guma, atxi txi kuho hagari kwangu ani Txizimu, ni sotshe sivangwa si si hanyako ha mafuni.”

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Se Txizimu txi to katekisa Nowa ni vanana vakwe, txi va gela tiya: “Velekani, mi anda mi tata mafu.

Sotshe si si tsimbilatsimbilako, si ku ni wutomi, si na va i di sakudya sanu, sotsheso na mi ninga, kufana ni ku ni nga mi ninga sotshe similwa si si hanyako.

Sihari sotshe sa ha mafuni, ni sotshe sinyana sa nzuma, ni sotshe si si tsimbilatsimbilako ha mafuni, ni sotshe sihaka sa mu lineneni, si na mi thava ni kudhudhumela. Sona na si ningela manzani kwanu.

Anu velekelani mi anda; tatani mafu mi txi hangalaka ka ona.”