Popularne wersety biblijne z Yohanes 4

Udostępnij

Allah ebe Agurengge mende eti paga, at pogorasuwogoluk Agurengge inom kunik dogolik eberogonat pogorasusak mendeat pogorasusak o,” yiluk yogokike.

Esigit diluk Allah ebe pogorarigogi mende, it akoni nen yabunggane Allah pogorako dogolik ninat pogorasugun mende weregat o. At Allah akla nen, An Nagurengge nen, Allah ebe eti, yiluk yanggul isasinem motogo eberogonat pogot nako dogowak, yiluk, akla ambaligogo eti paga, yogondak ya nen esigit diluk pogorako dogusak o.

i an nen wogisamo nasi kalok, it inakla nen i elesi negen punak-punak dukisi mondok dogogin eti paga, iniluk mondok dogolik, it yabunggane i abu ago dogogun mondok dek o,” yiluk yogokike.

Yogokike mende, at Yesus nen at kwe etnogo men yogokike, “Allah obabut pano nen werlegat onggo dek wogisiligogo mende eti inom, an nen, I omanggi kenago woknisin, yiluk nggino yokigi eti nebe inom, didanilepma, kat nen i omanggi nggino yoknokonem, an nen i inilugurinabigogo mende eberogonat wokotlep o,” yiluk yogokike.

Esigit diluk yisukama at Yesus nen, men yogisasike, “At an laʼbani wagike mende etnogo akla ambaligogo mende ndak-ndagat kagarigogo eti inom, an kagasuwagaluk nayonggo ʼbisike mende eti yabu ilugun ndirlipogo kagasigiluk ambaligogo eti inom, an nambiri etiat o.

Esigit diluk yogosigin ambasike, at kwe etnogo nen, men yogokike, “Laʼuk. Kat kagiyak dek, nen, i kulelek yi wema elomaat mende, kat nen i inilugurinabigogo mende eti nggoma mende kenago woknisigiluk nen yegen.

Esigit diluk yogokikemo, at kwe etnogo nen, men yogokike, “Mesias akoni ndil ninabuwagaluk Allah nen nggok endaga Kristus eti laʼbi wisigin. Laʼbi wisumo ebe witluk yi wene ndi wene taʼbokogonat nit yanggul nisasi dogogin yiluk an nilu o,” yiluk yogokike. Esigit diluk yogosigin ambasike, at Yesus nen, men yogokike, “Ap yegen eti ebe, an nimbisak wenenggak yiligogi nebe yiat o,” yiluk yogokike.

“Ap omanggi nen an yi kagakik, ndi kagakik, kagako lagi mende taʼbokogonat ʼbukakogo mondok yokneke mende ebe etoma werek o. At ebe Kristus Allah nen ndil ninabuwagaluk laʼbi wisigin yoknisasuka etnogoat a? Ninat a? Kinilenggen kobagik nen witni o,” yiluk yogisilik lagike.