Popularne wersety biblijne z ลูกา 22

Udostępnij

นำ ครอ คือเน “เอา เฮย ‍ กัน มัห ปอใจ ก็ ครอ ระ มัห จวย เอิญ ปน แอ็ม เจ็น ทอระมาน เน ดาย ‍ แต ครอ ระ มัห แอง ตาม ใจ ออ ฮัก ‍ อำ แอง ตาม ใจ เอิญ เตาะ” นำ อัง ‍

ซีโมน เฮย ‍ เอิญ ครอ เคิบ เอาซาง เพือ มัห แลว ‍ ระ มัห แก็นใจ เจือ เอาซาง ‍ ระ มัห ไอ มี กาน อัง เย็ห ดาย ‍ ญาม มัห ลบ เอิด ใจ แมะ วัล ‍ ญาม มัห ลบ แก็นใจ เจือ เอิญ วัล ‍ ก็ ครอ ระ มัห จวย อน กำลัง ใจ ตัก ปึง ควน นไจ ออ ตอ วัล ‍ ระ อัห แก็นใจ อุ วัล ดาย” เยซู ไล เปโตร จังเน

เยซู ก็ เอิด คนมปัง มี แพ็น ‍ นำ คอบคุน เอาซาง แลว ‍ นำ ก็ เพก คนมปัง นัน แบง อน ตัก อัห ป็อง ‍ “เน เป็น นัง คอง เอิญ ตี เอิญ อน ตัก แป ฮัก ดาย ‍ แป เพก ป็อง คนมปัง เน ญาม นเดย ‍ ก็ ครอ ระ แป กึด เลือง นัง เอิญ เน ‍ ตี เอาซาง ทวาย อน ตัก แป ดาย” นำ อัง

แลว อัห ป็อง คนมปัง แลว ‍ เยซู ก็ เอิด จอก ปุจ องุน มี จอก วัล อน ตัก อัห ออก ‍ นำ ก็ ไล อน ความมาย ตัก อัห เมือนนอย ‍ นำ ไล อัห ฮุนเน “ครอ ระ แป ออก ตัก จอก ตี เอิญ อน แป เน ดาย ‍ ปุจ องุน เน ก็ ซีแล็ม เค็ย เมียม คอง เอิญ ตี แจล เพือ แป ‍ เอาซาง ก็ เอิด เมียม เอิญ เน รับรอง แญง ซันญา แมะ คอง นำ ‍ ตี นำ ซันญา แมะๆ เคิบ แป เน

ทาเน เยซู ก็ แร็ง เซียใจ ซีเละ ‍ นำ ก็ เฮง ครอ วอน เอาซาง ติกๆ ‍ นำ ก็ ญ็อก เล็ห เฮือ เล็ห ฮอน ฮุน เมียม แจล คลิห ตัก ซิก ‍

แต แป อำ แอง มอก อัห เตาะ ‍ เอา นเดย ตัก ซีรอก เป็น ซะ แกะ ทีซุด ‍ ก็ ต็อง ญอม ท็อม นัง ออ มอก เป็น ครำ ทำมาดา ‍ ซีเอ ซีรอก เป็น พูนำ ก็ ต็อง ญอม ฮับไจ อัห มด ‍

เยซู ก็ ไล เปโตร คือเน “เปโตร เฮย ‍ เอิญ ไล มัห ซีเละ นะ ‍ แจ็ล บึด ‍ วาล ไอ มี ตัน ตอด ไก ‍ มัห ก็ มแบล เอิญ แพะ ลบ ‍ มัห เค็ย ไอ มี เม็จจึด เอิญ เตาะ” เยซู อัง