Popularne wersety biblijne z KĨAMBĨRĨRIA 9

Udostępnij

Ningĩ Ngai akiuga atĩrĩ, Gĩkĩ nĩkĩo kĩmenyithia gĩa kĩrĩkanĩro kĩrĩa ndarĩkanĩra na inyuĩ o na kĩũmbe o gĩothe kĩĩ muoyo, ici ii hamwe na inyuĩ, gĩa gũtũũra nginya njiarũa na njiarũa; nĩ gĩkĩ, atĩrĩ, nĩndekĩra mũkũnga mbura wakwa itu-inĩ, naguo ũgũtũũra wĩ kĩmenyithia gĩa kĩrĩkanĩro gĩakwa na thĩ.

Naguo mũkũnga-mbura ũcio ũrĩgĩaga itu-inĩ; na niĩ-rĩ, nĩndĩrĩũroraga, nĩguo ndirikane kĩrĩkanĩro gĩa gũtũũra tene na tene, kĩrĩa Ngai aarĩkanĩra na kĩũmbe o gĩothe kĩrĩa kĩĩ muoyo kĩa mwĩrĩ o na ũrĩku wa nyama, o kĩrĩa gĩothe gĩĩ gũkũ thĩ.

Mũndũ o wothe ũrĩa ũgaita thakame ya mũndũ-rĩ, no mũhaka thakame yake ĩitwo nĩ mũndũ o nayo; nĩ gũkorũo Ngai ombire mũndũ atariĩ ta mũhianĩre wake we mwene.

Ngai agĩkĩrathima Nuhu na ariũ ake; akĩmera atĩrĩ, Ciarai mũno, mũthegee, mũiyũre thĩ.

Na rĩrĩ, kĩrĩa gĩothe kĩĩ na muoyo kĩrĩa gĩthiangaga-rĩ, gĩgũtuĩka irio cianyu; o ta ũrĩa ndamũheire tũhuti tũrĩa tũruraga-rĩ, noguo ndamũhe icio ciothe.

Nayo nyamũ o yothe ya werũ, o nayo nyamũ o yothe ĩĩ njoya ya rĩera-inĩ, nĩirĩmwĩtigagĩra o na imakage nĩ inyuĩ; icio ciothe nĩcianeanwo moko-inĩ manyu, o hamwe na nyamũ ciothe iria itambaga thĩ, na ciũngũyũ ciothe cia iria-inĩ.

Na inyuĩ ciarai mũno, mũthegee; hunjai o kũhunja gũkũ thĩ, mũthegeere kuo.