Popularne wersety biblijne z मत्ती 4

Udostępnij

यीशुयैं जवाब दित्ता, “पवित्रशास्त्रे च लिख्या ऐ, ‘माणु सिर्फ रोटिया ई ते नीं, अपर हर इक्क वचने ते जेह्ड़ा परमात्मे दे मुँऐ ते निकल़दा ऐ, तिस पर चलगा तां जिन्दा रैंह्गा।’”

ताह़लू यीशुयैं तिस नैं ग्लाया, “हे सैतान दूर होई जा, क्जोकि पवित्रशास्त्रे च लिख्या ऐ, ‘तू प्रभु अपणे परमात्मे जो झुकी नैं प्रणांम कर, कने सिर्फ तिसदी भक्ति कर।’ ”

यीशु तिस नैं ग्लाणा लग्गा, “एह़ भी पवित्रशास्त्रे च लिख्या ऐ, ‘तू प्रभु अपणे परमात्मे जो मत परख।’ ”

भिरी पवित्र आत्मा यीशुये जो सुनसाण जगाह जो इसतांई लेई गेआ, तांजे सैताने ते तिसदी परख होई सकैं। तिन्हीं चाल़ी दिन कने चाल़ी रात कुच्छ नीं खादा, ताह़लू तिसियो भुख लग्गी।

यीशु तिन्हां नैं ग्लाणा लग्गा, “मिन्जो पचांह़ चली ओआ, कने अज्जे ते बाद तुहां माणुआं जो परमात्मे तांई सिष्य बणांगे।” सैह़ तिसी बग्त जाल़ां जो छड्डी नैं यीशुये पचांह़ चली पै।

तिस बग्त ते यीशुयैं प्रचार करणा कने एह़ ग्लाणा सुरू कित्ता, “मने बदला क्जोकि सुअर्गे दा राज्ज नेड़े आई रेह्आ ऐ।”