Popularne wersety biblijne z Chiyambo 9

Udostępnij

Ndipo Chiuta wanguti, “Ichi nchisimikizgu cha phanganu wo ndichita pakati paku ine ndi imwe ndi vyose vyamoyo pamoza namwe, mu mgonezi wose wa mukucha. Ndimiha chiŵingavuwa changu mu mtambo, ndipo chikaŵanga chisimikizgu cha phanganu lo pakati paku ine ndi charu chapasi.

Panipo chiŵingavuwa chemu mitambo, ndichilereskenge ndi nkhakumbukanga phanganu la muyaya pakati paku Chiuta ndi vyose vyo vye pa charu.”

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

Ndipo Chiuta wangutumbika Nowa ndi ŵana ŵake ŵanthurumi ndipo wanguti kwaku iwo, “Papanane ndi mwandane ndi muzaze charu.

Chinthu chose chakwenda cho nchamoyo chikaŵanga kurgha kwinu; nge ndimo ndingukupaskiyani mbeu ziŵisi, nditukupaskani vyose.

Ndipo chofyu chinu ndi kupofya kwinu vikaŵanga pa nyama yose yapa charu ndi pa chiyuni chose cha mude, pa chinthu chose cho chikwaŵa pa charu ndi somba zose zamu nyanja vyakupaskika mu janja linu.

Ndipo imwe mupapane ndi mwandane, tapatane mu charu ndi mwandane mwenimo.”