Popularne wersety biblijne z ŴaRoma 12

Udostępnij

Ndipo mungajilinganizga ndi mgonezi uno cha: kweni mujisanduske mu kuchitika vifya vinjeru vinu, alinga kuti mwesenge imwe mo liriri khumbu lo laku Chiuta, lamampha ndi lamarondeka ndi lakufiskika.

Viyo ndikuŵeyereni, mwa ŵabali, chifukwa cha vyalisungu vyo vyaku Chiuta, kupereka maliŵavu ghinu sembe yamoyo yakupaturika, yamarondeka kwaku Chiuta, ndiyo uteŵeti winu wavinjeru.

Ŵakukondwa muchigomezgu; ŵakukunthiyapo mu suzgu; ŵakufwiririyapo mu kuromba

Ungagodeka ndi uheni cha, kweni ugode uheni wo ndi umampha.

Mu chanju chaubali mwanjani.

Chanju chinu chiŵe chamburafuvyu. Muŵe ŵakutinkha uheni, ndi ŵakumeremete ku umampha.

Asani nkhwamachitika, ulindimo muziŵiya, muŵe mu chimangu ndi ŵanthu wose.

Mwaŵakwanjiwa, mungajitayiya thayu cha, kweni ndereni malo ku kandundu kaku Chiuta; pakuti kwalembeka, “Thayu ndaku ine; ine ndamwerezgapo, watiti Mbuya.”

Mureke kuŵa ŵakata mu machitidu ghinu, muŵe ŵamphamphu mu mzimu, teŵetiyani Ambuya.

Chifukwa, ku wezi wakupaskika kwaku ine, ndimunene munthu yose wamwaku imwe, wareke kujipima kwakuruska po watenere kupimiya; kweni kupima kwakuziza, nge ndimo Chiuta wagaŵiya yose, yumoza ndi yumoza, chigaŵa cha chivwanu.

Mungawerezge yumoza cha uheni pa uheni. Phwereni vyaulemu pa maso paku wose.

Yanani mu mtima yumoza ndi munyake. Mungasuŵiriyanga vyathamu cha, kweni sunganani ndi ŵakuzimbwa. Mungaŵanga ŵakujirumba cha.

Kweni, “Asani wamawongu wako ngwanja, muhiŵe ndi kurgha; asani ngwanyota, mumweske maji; chifukwa pakuchita viyo, urundenge pa mutu pake make gha moto.”

Ŵatumbikeni ŵeniwo ŵakuŵembani; tumbikani, ndi mungatemba cha. Kondwani pamoza ndi ŵakukondwa; tenjeni pamoza ndi ŵakutenje.

muŵe ŵakusangana nawo mu maukavu gha ŵakupaturika; ŵakutakatakiya wezi ku ŵalendo.

Chifukwa uli ndimo tiliri navyo viŵaru vinandi mu liŵavu limoza, ndi viŵaru vyose vyo kuti vye ndi mlimu umoza pe cha. Viyo nanga teŵanandi te liŵavu limoza mwaku Kristu, kweni tose teviŵaru chimoza cha chinyake.