Popularne wersety biblijne z Juan 9

Udostępnij

Danȩrȩ ca̧ jadü, do üdë jabë biradëa̧rä, chjadëri̧ ja̧bepë yürütäreji̧ri̧rea̧ro̧jo̧ȩ Ütë tjamo̧ ja̧ oa, coa chjadüa̧mȩ pio ju̧i̧ ja̧ oa. 'Jabechji̧ ado cja̧rȩmo̧ doro japaemȩ jiroquëda’ quëna̧rea̧ decjiari̧ jabërä chjadëri̧ ja̧bepadärätäreji̧ri̧rea̧rȩ, ibëa̧ Ama̧i̧ judi ibë yürüa̧ ja̧beparea̧ pio ju̧i̧. Jabechji̧ gȩnȩpea̧rä ja̧beparea̧mi̧dëde. Pio ju̧i̧iä jabechji̧, doro chjadëri̧ ja̧bepapea̧ chiarea̧rȩ ibë chjadüa̧mȩ pio ju̧i̧ ja̧ oa.

Ado pio ju̧i̧iä cüdë pio yoa chirirä cjo̧ro̧a̧ nö̧ta, jabechji̧ chiri nö̧tai̧ oa cjo̧ro̧ji̧ri̧ pio ji̧ri̧ tatami̧ darä jo̧rȩtarea̧ yürürequedejȩrȩ —dëbë yo̧a̧dejȩrȩ.

Ado jibëa̧ jadü judiro̧ iëno̧ë ta̧rëa̧diro̧jo̧ȩ: —Danȩ A̧ra̧ano̧mȩ, ¿tjana̧ japatä da cotomȩrȩ ara̧ oa cjiarëremȩde pio jiro üi̧ üdë? ¿Pio judi chjai̧dëri̧ japea̧ oaiä da cotomȩde? ¿Jabo ju̧i̧ nö̧riji̧ri̧ pio judiro̧ chjai̧dëri̧ japea̧ oaiä da cotomȩrȩ cjo̧ro̧de? ¿Tjana̧ ju̧i̧iä ja̧di dari̧ ara̧ oa cjiade? Chjadëri̧ yo̧ibe —yo̧a̧diro̧jo̧ȩ. Ado Jechu judi dëbë yo̧a̧dejȩrȩ: —Cjäri̧ made, jënȩ chjai̧dëri̧ japea̧ pio ju̧i̧iä da cotomȩrȩ cjiadiädërëremȩde. Ado jȩa nö̧riji̧ri̧ pio judiro̧ chjai̧dëri̧ japea̧ pio ju̧i̧iä peaja̧di da cotomȩrȩ cjiadiädëa̧de. Jabechji̧ da cotomȩrȩ ara̧ oa cjiarëremȩde Ütë tjamo̧ ja̧ jauëchja üdë pio jiro üi̧ pio ju̧i̧iä chjadëri̧ na̧rȩa̧ oa cjiapea̧ oa.

Ado yo̧a̧dejȩ Jechu judi: —Danȩ, a̧dëri pio judiri bira̧requede chiri nö̧tai̧ oa cjo̧ro̧ji̧ri̧ pumȩ pio ji̧ri̧ ütaramȩrȩ tutipea̧ oa —yo̧a̧dejȩ—. Jabechji̧ da cotomi̧ dari̧ cjiaji̧ri̧ pio ji̧ri̧ jibëa̧ buba tutia̧ oa cjiapadirȩ. Ado dadiäji̧ri̧mi̧ dari̧ cjiaji̧ri̧ pio ji̧ri̧ peaja̧di jibëa̧ buba tutia̧ oa cjiapadirȩ. Jabechji̧ da cotomi̧ dari̧ cjiaji̧ri̧ pio ji̧ri̧ dadiäji̧ri̧mi̧ dari̧ cjiadiä tänȩparequedejȩrȩ. Ado dadiäji̧ri̧mi̧ da pio ji̧ri̧ da cotomi̧ dari̧ cjiadiä tänȩparequedejȩrȩ. Pio ju̧i̧ japapea̧ oa bira̧requede —yo̧a̧dejȩ.