Popularne wersety biblijne z Matayo 5

Udostępnij

Ëgweeso noo antu vëtigwachaa gemwëë na ugëkunëkea gwa gëfe, ëgweeso vëugëreka gunto a intu nërëhumbukie gidahe gwerya gwa antu voong'e nevëë munyumba. Uvii, uvii, inoneye weru wanyu werye usonge a antu, vëdahe uyiona ntendo yanyu njija, vëmukurye Tata wanyu në wëë girunde.”

Nyenye mwë weru wa urëmi! Muji nëujengiwe gu ughongo gunto utiudaha gifiha.

“Vaforiwe vasaa nevëru munkhoo, gusoko vëjeumwoona Muungu.

“Vaforiwe vasaa nëvëna njaa na nyweta gwa ayoo nëatutë, gusoko vëjegikutiwa.

Ëgweeso nëë ngumwëëra, nyenye vayanji arughu vanyu na uvarombea vasaa nëvëumutendëa në ëtinoneye

“Vaforiwe vasaa nëvëgionaa atuki munkhoo, gusoko utemi wa girunde u wawe.

“Vaforiwe vasaa nëvëgweetaa majëghana, gusoko vëjeutaanwa vana va Muungu.

“Vaforiwe vasaa nëvëgurëa, gusoko vëjie ufefeheeywa.

“Vaforiwe vasaa nëvëukhasiwaa gusoko a asaa nëatutë na nëëghookie, gusoko utëmi wa girunde u wawe!

“Vaforiwe vasaa nëvëgoonëa uvavi, gusoko vëjegoonëwa uvavi.

Mwaforiwe nyenye nësa antu vëumutuka na umukhasya na umuruva na umweegheegheya mavë hiya hiya gusoko anë. Yanji na giririsya gusoko mpamba anyu unë nküü girunde. Gusoko noo naa antu vëgavakhasya anyagëdaghu nënaa vëgadwëëra unyuma anyu.”

“Vaforiwe vasaa nëafoo, gusoko vëjie umësaa ng'ë.

“Nyenye mwë munyu wa urëmi! Ëgweeso munyu nëwasusufa, ugutendwa wurë ujëfe? Utinoneye intu mbanduvë, ëgweeso uguhunuwaa gunjë na ufanangëwa na antu.

Nyee uvii, imunoneye mutendeke mukhondekeke, mwino Tata wanyu wa girunde mwino ukhondekekie.

Intu në nyenye ‘Nha’ mba ‘Ti nhaa,’ intu nërëkeanëye rasëë rëfumie kunë murughu.

“Mwategheeye mwino gahanyiwe: ‘Riho gwa riho, rino gwa rino.’ Ëgweeso nee ngumukhanëa, nyenye utamughëëye muntu në mavë. Muntu nëwagukhuva ikoofi uhaya ra gëlëlo, mufëëntuire nëë uhaya ra gavëë.

Uvii, nësa riho rako ra ugëlëlo raguhutëya rëküre urëjughute kureengë. Bahu ino kunë vee uwurya gafëgha gamwe ga mwëërë ukëra mwëërë wako woong'e ughumëwa mumoto na uJehanamu. Na nësa mukhono wako wa gëlëlo uguguhutëya, ukigite uwujughute kureengë. Bahu nanguu uwurya gafëgha gamwe ga muvëë ukëra muvëë wako woong'e wende mumoto wa uJehanamu.”