Popularne wersety biblijne z Mataji 19

Udostępnij

Neke baho Jesu avalolelage neke atigilage: avanu avo dzivalemile neke Nguluvi kisimulemile kinu.

Neke lino lwilekwa nulwa kuta tuli vavili, nda hamu, vivedza ńama ja muvili jimwinga. Neke kye abaniṅise Nguluvi, abihile pakukibanalula umunu.

Neke umwene apilusage atigilage: uńeńe musikuluvona muhâte ulwitigila, pakimelo, pe igava, agavile numukigosi numukidala? Neke atigilage: kye alaleka umunu amulekage udadye nuṅina neke amu-mililage ju mudala vakwe neke avavili ava vivedzaga ńama ja muvili jimwinga.

Neke umwene Jesu neke atigilage: mukuva-kanidza va kiki? muvaleke avâna vadzage ukwangu. Ndivwene uvutwa vwa kukyâńa vwanavo vavo, avali ngita vâna.

Neke volofu navalongwe, valavedza va mumbele, volofu nava mbele, valavedza ve valongodzi.

Neke vonda ṅani, avakufileka ifyanavo nambi ińumba nambi avańa-kwavo navahadzavanavo nambi avadadavo navaṅi-navo navâna vanavo nimigunda, fyonda ngana vakufilekela mwitavwa lyangu, apo ve valanukila ifihomedzano ifyolofu, ve valanukila nuvûmi vwa mbêpali.

Neke baho Jesu atigilage: ngana ukêlye ukuta ulududzage londa, apo uhelelage ukafigule ifiyûma fyako fyonda, uvagavahidzage avahangala, apo ulavedza nifilime fya kukyâńa. Apo pe ukadze, unĭnile ukwangu.

Neke baho umwene apilusage atigilage: ukumbudza kiki idza lunofu? Umunofu ali jumwinga hela. Neke ngana ukukēlye kuvûmi ukwingila, apo ugendelage ulwa ndagi.

Ndivwila ukuvavūla unene nditigila: kwebepe ningamila ukwingila mukalyango ka singano kwa musafi pakwingila kuvutwa vwa kukyâńa.

Unene nditigila: je ikumuleka umudala vakwe, pe asangwe inôngwa ja vugoni, neke kangi amutolage ujungi, apo swe ve adumwe uvutolane.

Neke baho Jesu alongage kuvańigendwa vakwe neke atigilage: ndakyene unene ndikuvavūla nditigila; avamosi kulavedza kutalamu kuvutwa vwa Nguluvi pakwingila.