Popularne wersety biblijne z Matayo 13

Udostępnij

Nee kudá' aa paahh baraá hhapér hho', an mukdá' axweesantadá' gaa axaas, nee gídaabárós gari tsaáhh. Axweesantadá' iri laqwál baraá muner'ín i alé, oo wák tsiiru, nee kuqá' mibeeri lahhoó', nee oo hatlá' mibeeri tám.”

Nee kudá' aa paahh baraá laqaya', an mukdá' axweesantadá' gaa axaas, ala daawitimér yaamu nee al/aymár daqaari'iima axweesantadá' gari tlíq, axweesantadá' iri laqwaliká.

Umuúqo heewo oo axweesantá waawuti'iima gaa axaas, nee gídaabárós birnga tsaahhiiká, kudá' tlaákw nin hardah, nee /aymuudá' taa dahaás baraá muunuú heé i alé guri hingees. Kwí an kudá' aa paahh afaá loohi.

Nee kudá' aa paahh gawaá tla/u, an mukdá' axweesani gaa axaas, nee axweesantadá' kari ilaóh ar qwala/. Ala dee/árú ta kon i kaahh, nee deelór tawa hooti ka ureeká. Slahha'amu binda ti'iít as axweesantadá', laqaá gusiisiingw, axweesantadá' kari máy.

“Slám waawuti'iimár doori a slaqás nee peésár taa foól baraá qaymorka. Nee hee ngiwa ár, gari luú/, iri tláy ar qwala/, nee muruuwós kudá' sleémeero i kon dír do' guri weerisár áy, nee qaymoodá' gari tlaáxw.”

Nee dahaasíngw hatlá' iri paáhh dír hhapér hho', iri laqwaál, oo wák tsiiru, nee oo wák mibeeri lahhoó', nee oo hatlá' mibeeri tám.

Mawaagáy sleémeero ay dír i uraaraya' nee dír qoomár bu'uungw ni xeer. Qoomár bu'uungo daqadá' aníng kaangw u oó' dír kudá' bu'uuma'a, sla/a ala tu/aak, daqada' ka dinkwár i tsegá', nee ka kwahhá' baraá asltí alé. Daqani angaano ku burumbudá' baraá meewér'eé' i alé.’”