Popularne wersety biblijne z Matayo 19

Udostępnij

Yesu eeharuuse gari i qaytsiít gari báy, “Dír muko adoosíng i ya/aandaaká, ala dír Munguhe umuúqo gaaro i ya/aán.”

Gawaá adoorihe inooín a tsareeká, ala a wak. Múk Mungú aa haragaás, hee munguwa paraátl.”

Yesu iri oó', “Ahaá, aga soomusi'iikáhe adór kara gooín gídaabá, ‘Tleehharusmoó muu iimír iimu/uungo hhawaata nee /ameeni gina tleéhh,’ iri oó', ‘Gawaá adoorihe hee baabuúwós nee aayoorós gin geexáy nee tay hoot nee hareerós, nee kuká' tsár tari slaqwtá wák tleehhiit.’

Ala Yesu iri oó', “Na/'aá ninakw mawaagáy, ni amor'eé' hardihiye', mi ila/aamara'. Asma awa adór kuká', waawuti'iimár Mungú a tooín.”

Ala baraá kudá' geerá hara'a, awa yaariir i alí ki/iyá', nee kudá' alaá hará', ta geerí waaraahh.”

Slám malé alé umuúqo heewo oo do'ós gwa geexay, laqaá qaymo, laqaá hhiya', laqaá hho'o, laqaá baabá, laqaá aayo, laqaá na/'ii, as aníng, muruuwí sleémeero gu ilaoh sagaáwa tsiiru, nee slafíngw alhhe'eesay wásl guri aal.

Yesu iri oó', “Kuúng barnaxes a heé ganaá' tlehhitár wa slá', tláw, muruudá' ta koon weeriseek, ku hanís dír liitlakuuse, daqaní kuúng daqaari'iimarók a gawaá doorí eér. Daqaní aníng ir eehát.”

Yesu iri oó', “Asma milá mas iidíguú hhooeemaá yaahamís dir'eé'. Oo hhoó' a wak. Kuúng bar dahmaá slá' baraá slafiingw, hara'aya na ooheek.”

Slám nu malé baw, ka inslaahh angamía iwa dat baraá fooxár laqwa, ta daqaarmo iwa baraá waawuti'iimár Mungú i dahi.”

Án a kah, umuúqo heewo oo hareerós gaa guus, ala as fuqtooká, harér hatlá' gari duux, kwí aa fuquús. Nee heé hareedá' taa guús gaa duux, inós aa fuquús sleeme.”

Yesu eeharuuseerós gari báy, “Án a kah, ka gawit daqaarmo iwa dahi baraá waawuti'iimár dooriiwo.