Popularne wersety biblijne z LUKA 3

Udostępnij

Bi niba kuli n den kpendi ke Jan batisi ba, o den batisi Jesu moko. Jesu n den jaandi yaa yogunu, tanpoli den luodi ke U Tienu Fuoma Yua ñani lipo ke o nannanli naani leni ki kpaajiega ki jiidi ki jagini Jesu po. Bi den gbadi u nialu ke u maadi hali tanpoli po ki yedi: «A tie n * Bijabuadiga, n pali mani apo hali boncianla.»

O den yedi bikuli: «Mini n batisi yi leni mi ñima, ama yua n pia u paalu ki cie nni baa cua, mii pundi baa yua n baa loti o cacaagbansiama. Wani, o baa batisi yi leni U Tienu Fuoma Yua, leni mi fantama.

Yin yaa tuuni mani yaa tuona n doagidi ke yi lebidi yi yama. Yin da tua yi pala nni: ‹Ti pia Abalahama ke o tie ti yaaja.› N waani yi ke U Tienu baa fidi ki teni yaa tana n tie na n tua Abalahama puoliŋuani.

Baa moala bi caani li yali i tijiini po. Yaa tibu n ki luoni yaa bonluonkaala n ŋani kuli, bi baa pedi bu ki lu mi fantama nni.»

Nani lan diani maama o sawalipualo Esayi tili nni: O nilo kpaani mi fanpienma nni ki tua: Yin bogini mani o Diedo sanu, Ki naadi mani o sani. Bi baa gbieni ti joaloandi kuli, Ki jiini joacianli leni joabiga kuli ki ladi ki dagini, Ki naadi a sangoana, Ki piini ti sanbuodi. Nisaalo kuli baa le U Tienu * faabima.