Popularne wersety biblijne z isizwur 9

Udostępnij

yini rbbi: «ġmkad a‑ra‑tg‑tmatart n‑lɛhd lli‑skrġ ġ‑griyi didun d‑kullu lmh̬luqat lli‑didun‑ddrnin, ig lɛhd idumn zġ‑ġilad ula kullu mayd iftan. ha taslit n‑unẓar giġ‑tt ġ‑umdlu n‑ignwan, ra‑tg tamatart n‑lɛhd n‑griyi d‑ddunit.

ġakud nna‑di‑tban‑tslit n‑unẓar ġ‑imdla n‑ignwan, ra‑stti‑tmnadġ swangmġ‑d lɛhd lli‑idumn ġ‑griyi d‑kullu ma‑iddrn ig tifiyi ġ‑ddunit kullutt.»

wanna iffin idammn n‑bnadm, f‑ufus n‑bnadm a‑f‑rad‑ffin idammn‑ns ula ntta, ašku rbbi iskr bnadm f‑ṣṣurt n‑rbbi.

ibark rbbi ġ‑nuḥ d‑tarwa‑ns yini‑asn: «a‑ttarum tigatm tɛmmrm ddunit kullutt.»

ra‑tšttam zġ‑kullu ma‑iddrn ar‑itmussu. ġmklli‑awn‑yadlli‑fkiġ kullu tazgzut nna‑itmġayn a‑zġ‑gis‑tšttam, hati ġilad fkiġ‑awn kraygatt kra.

rad‑zġ‑giwn‑iksaḍn kullu luḥuš n‑lh̬la d‑igḍaḍ n‑ignwan d‑ma‑itštutuln f‑wakal d‑islman n‑imdwan, ar‑giwn‑tġuwḍn. giġ‑tn kullu ġ‑ddu‑ufus‑nun.

imma kunni, zaydat ar‑ttarum tigatm, tɛmmrm ddunit kullutt.»