Popularne wersety biblijne z YOHAN 6

Udostępnij

Yesux baox ah nin ka kix, “Aux mawh blah pa im ju heue, kaw pa hoek ka Aux tak ang lai cai rhawm kaw pa yum rhawm ka Aux tak ang lai sang nyaux nie rawm tix bawg kawx heue.

Mawh khuan pa kieh im ju, nex ang koe bwanson tidtix. Lox pa hoik krai Aux ka pex mawh khuan ju pa im heue.

Paw coca yuh ti pon pa ih pa chix laux leeing, viang mawh nan coca sonsang pon pa ih pa kaux tom pon ju leeing ju, pa sang tawx Kawn kawn pui ka pex. Kheu mawh Nawh Siyiex, pa hoik tawk Keeing Cao cum ka heue.”

Grawh grawng nawh in mawh alo Keeing Aux, sonsang pon pui pa yaox ka Kawn Cao pa yum rhawrn ka Nawh ku kaux, ju leeing ju. Aux sang kieh kix deeh kaoh singaix sidah khaix heue.”

Yesux baox pawk lox ah nin ka kix, “Kaing Siyiex mawh pa yum rhawm pex ka Kaw pa ploi Nawh hoek heue.”

Can pa tawx Keeing Cao ka Aux, hoek ka Aux khawmuik, pui pa hoek ka Aux, Aux ang doh tik vud tix bawg kawx.

Simon Petrux pawk lox ah nin ka Nawh, “Simiang eue, ex tak sang hu ka pui mawx? Maix koe gumlox ju leeing ju.

Aux mawh blah pa im ju pa lih hoek khaing raoma, phan pui ih blah in nawh tak im leeing ju. Blah pa sang tawx Aux mawh nex Aux heue, Aux sonsang tawx sonsang im ju kawn pui haktiex heue.”

Pui tix kaux kawx ang pon hoek ka Aux. Phan Keeing Cao pa ploi Aux hoek ang bluh nawh hoek, can pui pa hoek ka Aux, Aux tak deeh kieh nawh kaoh singaix sidah khaix heue.

Grawh grawng nawh blah Siyiex mawh pa lih hoek khaing Raoma tawx ju pa im ka haktiex heue.”

Aux mawh blah pa im ju heue.

Yesux teei blah an mai yaog yaw bwanson mai gwieh ti tawx ka pui pa ngawm tan khankix Nawh teei kax gwieh ka kix awm an, kix moh miex ding, tawx ding heue. Khaix hoik ih kix tom sak, Nawh Cao ah nin ka kawncau Nawh khankix, “Khrawm pa max pa lheu khankix, son ang tidtix sang grai”

Khaix hoik vai kix reu hu loe pon lag, kix yaox Yesux hu ka caong tix piang rawm hoek ka dex reu, kix die lhat kah Viang mawh nan Nawh Cao ah nin ka kix, “Mawh Aux heue, paw lhat kah”