Popularne wersety biblijne z लुका 12

Udostępnij

होटबाटै नाखुरीक सढैँ टयार ङुनी। भर्मीयो मीजा नाखुरीकै थाहा माडीन्‍ह मोसोमायाङ राल्‍हे।”

बरु परमेश्‍वरौ राज्‍यकी पानी, होटै इसे पट्‍ट कुरा र होसकै याल्‍हे।”

होटै न्‍हुइङ होला लेच भर्मीकोलाक होसकै डेया, “होस जाट्‍नी! पट्‍ट खाल्‍या लोभ जाट्‍की लकीङ जोगडीस्‍नी। हीजैडेनाङ धन सम्‍पत्ति कुडीक न वास्‍टै लेनाङ र होचे भर्मीकी जीवन चहीँ मायाल्‍हे।”

हीजैडेनाङ सम्‍पत्ति लेच ठावाङ न नाकुङ मीमन र छान्‍ले।”

नाखुरीक मढ्‌याङ सुये सुर्‌टा जाटार लहो आयुकी इठर्‌जा र ठप्‍डीकी य्‍होक्‍ले र?

होटै न्‍हुइङ येशूये चेलाकोलाक इट डेया, “इटबाटै ङा नाखुरीककी डेले, जीवाकी मट्‍टै डेम ही जीङ, ही बील्‍हीङ डेम सुर्‌टा मालानी।

टर नाखुरीकुङ च काटकाट मीछाम र हील्‍नने। होटबाटै माबीर्‍हीनी, नाखुरीक वास्‍टै भँगेरा डेनाङ परमेश्‍वरौ मीमीकाङ नाखुरीक झन मुल्‍यवान ले।

येशूये चेलाकोलाक डेया, “ए मार्‌जा बगाल, माबीर्‍हीनी! हीजैडेनाङ परमेश्‍वर बोये मेखोल्‍हौ राज्‍यौ अधिकार नाखुरीककी याखी डेम मार्‍हाङ्‍नने।

काग कोलाक ङोस्‍नी! होखुरीकै माभेरेट्‍ले र अन्‍न र माबटलीले। होखुरीकुङ ढुकुटी र माले। होट छान्‍नाङ र परमेश्‍वरै होखुरीककी कास्‍नने। नाखुरीक च ग्‍वाजाको डेनाङ वास्‍टै मुल्‍यौ ले।

होटबाटै नाखुरीक ही जीङ ही गइङ डेम पाम माङुनी र सुर्‌टा र माजाट्‍नी।

टर छीनीङ वाट्‍च सार पीउर्‍हाक छोकार म्‍हेयाङ सीकाक्‍च की च परमेश्‍वरै इटजाट्‍न सीङ्‍गारीले डेनाङ, होसकै नाखुरीककी झन कुडीक वास्‍टै सेछ ठोककै सीङ्‍गारीले डेनाङ नाखुरीकुङ विश्‍वास खोइ?

हीजैडेनाङ माडाङ्‍ख्‍यो डेम हुप्‍च ही-ही ले, होसे पट्‍ट न डाङ्‍ले होटै आर्‌च्‍युक्‍च ही-ही ले, होसे पट्‍ट न थाहा डीन्‍ल्‍हे।