Popularne wersety biblijne z लुका 8

Udostępnij

टर असल झाङ पर्च छोयो चहीँ होकुरीक हो, बचन सेयार सेछ र भलो रीदयाङ जोगडीम डाले, होटै लेन्‍न र मीस्‍या स्‍याटाक्‍ले।

जु घारीयाङ पर्च छोयो होखुरीक हो, बचन च सेले, होटै न्‍हुइङ जीवनौ चीन्‍टा, संसारुङ धन सम्‍पत्ति र मोज मज्‍जाङ पर्‌यार ल्‍होङ्‍की माडीन्‍ल्‍हे होटै होच्‍यो मीस्‍या म्‍हीन्‍की माडुप्‍ले।

ल्‍हुङ घारीयाङ पर्च चहीँ होखुरीक हो, बचन सेयार खुसी खाटा ग्रहण जाट्‍ले। टर होच्‍यो जरा माछान्‍ले, होखुरीकुङ विश्‍वास चहीँ कालापौ लागी मट्‍टै छान्‍ले। टर परीक्षौ बेलाङ होखुरकुङ पटन छान्‍ले।

होटै येशूये चेलाकोलाक डेया, “नाखुरीकुङ विश्‍वास कुला नुङा?” चेलाको होसे कुरा डाङार छक्‍क पर्‌या, होटै बीर्‍हीचै मेखुरीक-मेखुरीक इट डेयार कुरा जाट्‌की ठाला, “इसको सु आले? होसकै हक्‍कारीनाङ च नाम्‍सु र समुन्‍द्रौ छाल र बाछ लेसा!”

लामाङ पर्च छोयो चहीँ होखुरीक हो, परमेश्‍वरौ बचन सेकी च सेले, टर मीमनाङ डाकी माय्‍होक्‍ले, हीजैडेनाङ बचन सेयार विश्‍वास माजाट्‍ख्‍यो र माजीवाख्‍यो डेम शैतानै होखुरकुङ मीमन लकीङ बचन ढुमार आल्‍खी क्‍योट्‍ले।

इटजाट्‍न न आर्‌च्‍युकार डाच ही-ही ले, होसे पट्‍ट न डाङ्ले र माबुझडीस्‍च ही-ही कुराको ले होसे र पट्‍ट न थाहा डीन्‍ल्‍हे, होटै पट्‍टकै बुझडीस्‍ले।

होटै लाहा आर्‌च्‍युम्‍ह ङुकी माय्‍होक्‍च छाना डेम वार्‌हार होसे मास्‍टो बीर्‍हीया होटै बुरुक्‍चै राहार येशूओ मीहीलाङ खुखुप छाना। होटै होसे मास्‍टोये होसकोकी हीजै छुवा होटै छुच बीट्‍टीकै गेप्‍च कुरा पट्‍ट भर्मीकुङ म्‍याहासाङ डेम याहा। होटै येशूये डेया, “ए मास्‍टो मीजा, नाकुङ विश्‍वासै नाकोकी गेपाक्‍ङने, शान्‍ति खाटा नुङ्‌नी।”

होटै चेलाको येशू छीनी राहार होसकोकी सोट्‍चै इट डेकी ठाला, “ए गुरुज्‍यु, काल्‍हाको ठाखी पाम भ्‍या।” होटै येशू सोवार नाम्‍सु र समुन्‍द्रौ छालकी हक्‍कारीया। होडीक न बेला नाम्‍सु र समुन्‍द्रौ छाल बाहा र सान्‍ट छाना।