Popularne wersety biblijne z Genesis 17

Udostępnij

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Am do Abram (metakʼme ‘maraṅ utạricʼ baba’) mente do ar bam hoho ocokʼa, menkhan ńit khon amakʼ ńutum do Abraham hoyokʼtama (metakʼme ‘ạḍi utạr jạtkoren apat’); ente ạḍi utạr jạtkoren babageń dohoakatʼmea.

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Uniye menkeda, “Am lạgitʼ ińakʼ noa bondobosre cekae reakʼ do noage: Am do ạḍi utạr jạtkoren apatem hoyokʼa.

Unre Isore menkeda, “Amren bạhu Sara do sạrige gidrại hoyokʼtaea, ar uniyakʼ ńutum do Isahakem dohoytaea (metakʼme ‘landa’). Uni ar uni bõsren hoṛko lạgitʼ iń do ińakʼ jaejug hạbicʼ bondobosiń dohoya. Tobe Ismael reaṅ okam menketʼ iń doń ańjomkeda.

Okaṭakʼ Kanan disạmre upriạ menam ona reakʼ jotoge jaejug hạbicʼ sompotti lekate am ar amren bõskoń ematʼkoa. Ar iń do onko sanamkoren Isoriń hoyena.

Noa katha ańjomkete Abraham do otreye ombakʼena ar landawate mon monteye menkeda, “Enḍekhan sạrige mitʼ sae umerren haṛamren hopone hoyokʼa, ar uni are gel umerren maejiuakʼ kukhire!”

Isor do Abraham arhõe metadea, “Amren bạhu Sạri do Sạri mente ar do bae hoho ocokʼa. Uniyakʼ ńutum do Sara hoyokʼtaea.

Aperen mitʼke mitʼ herel hoponko do hereltetʼ reakʼ laha hartape getʼ giḍikakʼa. Ar alaṅ talare okaṭakʼ bondobos dohoyen, onage hoyokʼa ona reakʼ cinhạ do.

Menkhan iń do Isahak lạgitʼge bondobosiń dohoya. Hijukʼkan bochor niạ oktege uni do Sarawakʼ hoborreye hijukʼa.”

Piṛhike piṛhi aperen sanam herel hoponko do janam tayom irạl din hilokʼrepe khatna ocokʼa. Am bõsren jãhãegeye baṅkanre hõ amakʼ oṛakʼren gutikan khane uni hõm khatna ocoyea, ar amakʼ oṛakʼreye janam akan nonkan jãhãe guti se bidisiạko ṭhen khone kiriń akan uni guti hõ khatna ocoye hoyokʼa. Iń do arhõń meneda, okoe guti amakʼ oṛakʼreye janamakana se okoe do ṭaka poesateye kiriń akan, onko hõ sanamgeko khatna ocokʼa. Ar noage hoyokʼa apeakʼ hoṛmore ińakʼ jaejug reakʼ bondobos do.