Popularne wersety biblijne z Lucas 8

Udostępnij

“Wakin runakunaqam alli allpanö kayan. Pëkunaqa Diospa willakïninta llapan shonqunkunawan ćhaskikurmi mana dëjëpaq Teyta Dios munanqannö kawayan. Alli allpaćhö murukï alli wayunqannömi imëpis Teyta Diospaq allita rurayan”.

“Kashayoq ćhakranömi wakin runakuna kayan. Pëkunaqa Diospa willakïninta wiyarpis yarpaćhakuyan qepakunata imanö kawayänanpaq, imëkayoqpis kayänanpaq y kushishqa kawayänanpaq kaqllatam. Tsëkunallapaq yarpaćhakurmi mana wayoq trïgunö kayan.

“Shankallnömi wakin runakuna kayan. Pëkunaqa Diospa willakïninta wiyar kushishqam ćhaskikuyan. Tsënö kushishqa ćhaskikurpis allpa mana kaptin trïgu wiñarkamur tsakeq cuentam ñakëkuna päsaptin criyikïninta dëjayan.

Ñirkurñam discïpulunkunata ñëqan: “¿Imanartan Teyta Diosman confiakayämunkiraqtsu?” ñir. Discïpulunkunañam alläpa mantsakashqa parlapänakuyäqan: “Kë runaqa ¿ima runañaraq kakunpis tsëläya wërapis yakupis pë ñinqanta cäsuyänanpaq?” ñirnin.

Muru näniman ishkeqnömi wakin runakuna kayan. Ćhukru shonquyoq karmi Diospa willakïninta wiyarpis ćhaskikuyantsu. Tsëmi wiyayanqallantapis diablu qonqatsiptinmi mana criyir salvacionta tariyantsu.

Tsënömi yaćhatsinqäkuna kanan pakarëkaqnö karpis musyakanqa. Kanan mana entiendikarpis warëkunaqa entiendikanqam.

Yatanqanta tantiyaptinmi tsë warmi siksikyarraq Jesúspa ñöpanman pillatakïköqan. Ñirkurñam llapan runakunapa ñöpanćhö willäqan imanar yatëkunqanta y tsinan höra kutikaskinqanta. Jesúsñam ñëqan: “Wawë, ñoqaman confiakamurmi kutikäqonki. Kananqa kushishqaña ëwakï”.

Tsëñam Jesústa rikaćhatsir ñiyäqan: “¡Teyta Jesús, hundikëkantsikñam!” ñir. Jesús shärirkurñam wëratapis yakutapis pärakunanpaq ñëqan. Tsinan höram wërapis yakupis päraskëqan.