Popularne wersety biblijne z St. Maheu 24

Udostępnij

Ha rac ma vou cresquet er fallanté, caranté e hoannei é calon ur lod caër a dud. Mæs en hani e zalhou mad bed en tu dehuéhan, e vou salvet.

Hag en aviel‐men ag er Ranteleah e vou perdéguet dré er bed ol, eid testoni d’en ol bobleu; ha nezé e tei en tu dehuéhan.

Hui e gleuou ehué conz a vrézélieu, a drous hag a zispeah; mæs dihoallet a hum lorbein rac ret‐é ma tigoéhou en treu‐zé, mæs ne vou quet hoah azé vou en tu dehuéhan.

Rac guélet e vou e seùel pobl éneb de bobl, ranteleah éneb de ranteleah, ha bout e vou bocenneu, queltrî, ha creineu douar é calz a léhieu. Hag ol en treu‐zé ne veint meid er pén quetan ag er poénieu.

En Nean hag en douar e drémenou, mæs me honzeu ne drémeneint quet.

Rac calz a dud e zei ém hanhue, hag e larou: Me zou er Hrouist, hag ind e houniou hilleih.

Nezé e vehet laqueit étré deourn en dud a varn de vout ansquinet; ind hou laquei d’er marhue; ha hui e vou casseit gued ol er bobleu dré en arben a me hanhue. En amzér‐zé bout e vou ré hag e gavou arbenneu‐a‐lam, hag e goéhou, ha ne vou étré‐z‐hai nameid caz ha ivi. Ha donnet e hrei calz a fall brofætèd péré e houniou hilleih a dud.

Ha Jesus e laras tehai: Dihoallet a vout lorbet dré unan benac.

Hui e zeli enta hum derhiel perpet reih, rac ne houyet quet pegourz e teli Mab en Dén donnet.

Rac‐cé beah ar hou coard, rac ne houyet quet de béh ær é teli en Eutru donnet.

Mæs aveid en dé hag en amzér‐zé, ne houér dén nag en Ælèd en Nean, meit me Zad hemb‐quin.

Rac guélèd e vou fall Christèd, ha fall profætèd péré e hrei burhudeu quen souéhus me lorbehent, pe vehé guellus, en ineanneu difforhet.

Hag él me oé en déieu Noé, él‐cé ehué e digoéhou de zonnedigueah Mab en Dén. Rag él én déieu araug en deur bras en dud e zaibré hag e ivé, e ziméié hag é hré diméieu, bet en dé ma yas Noé én aréh. Hag ind ne hanàuas quet en deur vras, quênt ne zas ha ne gassas en ol guet‐hi; él‐cé ehué e digoéhou, de zonnedigueah Mab en Dén.