Popularne wersety biblijne z Tioni 6

Udostępnij

La Iesua muvikala lamana lexe, “Pileti so mauli ne a eni 'osi. Itema aneva une'e noxilo la usolixula uasi. Xe itema ane ulopala noxilo la usoliou lexala uasi.

Mauli anu tava'u noxou Ulenu Mosingesi, xavi uxolu no anu vasime'a tamitema so ixalisou mauli uasisi. Vaikala e elemolu noxinge 'o ne anu vote'i so Ulenu uxolu noxinge mo anu vote'i so ngamaulisi.

Mamu so ngaxaxai so ngaxa­lisou la'ilali ane ukalu paleasi. Ngaxaxai so ngaxalisou la'ilali ane uxoxolu avile umomomo no anu mauli kaluxu uasi. La'ilali anene ngaxalisou noxou Itema ane molu noxou Mosinge, anu e Mosinge anu Maminge musosovosou lexe u'osasou.”

Xo masaxa noxou Mamilo aloxo 'o. Tamitema mukalusi ta'ei isaxi noxou Olu kaio ilopala noxou la ixalisou mauli kaluxu uasi. Xe uxali no anu kaluxusou voxo la eni melo atulusi'a imauli.”

La Iesua mukoline'i lexe, “Xaixai ane Mosinge u'osasou a so ngingi ngalopala noxou itema ane anu mupalusou.”

Tamotu ta'ei mukalusi Mamilo upilixine'i noxilo la ane'i ine'e noxilosi ane. Xe loxo ine'e noxiloe la vote'i uasi e uasisi so akusai'ala.

Ia Saimoni Pita muli­vuxu lexe, “Tatananexi, xo axone la talai noxou ena'eio? Vaikala so mauli kaluxu uasi a uxolu noxine 'osi.

La pileti umamauli e molu no tualasou Mosinge mulu'e ne a eni 'osi. Loxo itema ena'ei u'ani no anu pileti ano'o la uxolu umauli kaluxu uasi. Pileti ane apilixinu so uxalisou mauli no anu ne a vasimelo 'osi. Xe loxo apilixinu la anene vote'isi'a tatemanu lialia mukalusi kalumo so ixalisou mauli.

Loxo itema anu molu la vote'i so une'e noxilo uasi. Ia loxo Mamilo e mupalusilo ene'e 'o ulapunu itema vile une'e noxilo laso ane, anu vote'i so une'esi. Xe loxo une'e la atulusou umauli no anu kaluxusou voxo.

Xo pileti noxou Mosinge ne, a anusi e molu no tualasou Mosinge mulu'e so ulosi'a tatemanu lialia mauli.”

A enisisi a pileti so mauli.

Xe ane'i mitalupexa mukalu la Iesua muno'u pileti ilou sinana soxu ne mo muvikala laixe noxou Mosinge. Mukalu la anu muvelunuxa'a tamitema mita'olu ne mukalusi. Muvelunu muvelunu la ane'i mi'ani xo mole mikalusou masaxa na'a avile. Ane'i mi'ani mukalu la Iesua mupalusi'a tatisaipeliou lexe, “Ngataxusou la'ilali matomatovinu xo mamu so pa'usou usu'a.”

Xe ane'i mipulusou pouti mulai nopaxa sevile loxo 5 o 6 kilomita sila mimaisou Iesua a umuamua'i no lexa loxo'u. Mo anu a mune'e alai no anu pouti la ume mukasi'a. Ia Iesua muvikalane'i lexe, “A eni to. Eni axoxolu, nga'ume uasi.”