Popularne wersety biblijne z APAN AQAO: 17

Udostępnij

Abram apyad gug xe: gug zin ngad lao"-ASANG wa yao: jhao" myao: thug' li" mung: ngo wa qam so' bo: thao" ra" Mao"So ngad:- nga" mho dao: re tae" gyo: mung: khonhae" re: jo: ra" khyo" kad' wa,

Ni" mang wa Abram mangad: lo nae"- Abraham ngad: li" nae". Pe"mung:ga"re ngo wa nao re byumyu" myo: sho' mo; nho: phug' pho" boe" nhao yang: ngad: ra".

Apyad ato: dao: thang" khyo" ngo wa nga" dao:so: re ni" dao mae we' joe" lo nae" ayo, mae" ni" myid:zo: qe: qae" qe: dao mae dao:so: dang nae" ngo wa ni" Mao"So doe, mung: ni" myid:zo: qe: Mao"So ngad: li" nae".

Ngo wa ce: dao: thang" re nao we' to" ra". Nao wa byumyu" myo: sho' nho: phug' pho" ngad: li" nae" rure ngo dao:so: to" ra".

Ngadqere: Mao"So wa- masang nhao nae"- ni" yham sang myhi" wa ni" qhid' mae" yauggai zo: dayaug re khau byid' li" nae". Nao wa yao: re Isag ga: mhang" byid' li" nae"- ngo wa nga" dao: thang" re yao: re we' yao" myid:zo: qe: dao mae apyad ato zaui" ci nae". Airu wa apyad ato: dao: thang" ngad: ra".

Ngo wa ana" nao taung bug vo khyo" na: jo; ra" ce: mung"dan: re- nao re we' ni" myid:zo: qere byid: nae". Ni" myid:zo: qe wa Khanan mung" geim" re khonhae" re: sang: li" genae". Amung: ngo wa yao: bam: Mao"So ngad: li" nae"-ga: ta" ra".

Abraham wa yao" myo, khung: re myid gaung mae tin: sho' goe; gyo" ra"- ngadqere: yauggai dayaug wa yao" apyad dayo zin ngad thao zoshao qo" shinae" i? Sara wa apyad gug xe zin re zoshao qo" khau: nae" i? ga: myid: qu" yang: qi: ra".

Mao"So wa Abram re- nao wa ni" yham sang myhi" re Sarai ein: mamhang" lo nae" ngad: ra". Ana" mae" thoegu: yao" mang wa Sara ngad: ra".

Ana" ba mae" thoegu: ni" yham mae khau: ra" jeim we' taung bug mang: mae" vai: yu: ra" jeim bobo yang: yauggai nau" yaug khao: ngo" wa khau thao she' ba ngad lao" au: qid lhai: khyo re kham: yu: ca" ako". Ceru wa nao we' nga" agyo: mae dao: thang" to" ra" khyo re qhu" byid' ru ngad: li" nae".

Ngadqere: ngo wa nga" dao: thang" re sao nhag' ceyo, mae Sara yang khau nae" ra" ni" yauggai zo: Isag dao mae zam" ci nae"- ga: ta" ra".

Ana" ba mae" thoegu: ni" yham mae khau: ra" jeim we' taung bug mang: mae" vai: yu: ra" jeim bobo yang: yauggai nau" yaug khao: ngo" wa khau thao she' ba ngad lao" au: qid lhai: khyo re kham: yu: ca" ako". Ceru wa nao we' nga" agyo: mae dao: thang" to" ra" khyo re qhu" byid' ru ngad: li" nae". Yaug khao: ngo" wa au: qid lhai: khyo re kham: yu qo: ra". Nao we' to" ra" nga" dao: thang" wa apyad ato ngad: ra" khyo re qhu" byid: nae" qhid' mae" ceru wa gaung sho: we' sin" ra" aso: ngad: li" nae".