Popularne wersety biblijne z Matej 24

Udostępnij

Adalese so ka ovel baro bezakonje, butengoro mangipe ka šudrol. Ali kova ačhola verno đi o kraj, ka ovel spasime.

A akava Šukar lafi e nebosere carstvostar ka vaćeri pe ki sa i phuv sar svedočanstvo sa e nacijenđe, i tegani ka avel o kraj.

A kad ka šunen zako mariba hem da vaćeri pe e maribnastar, ma te daran. Adalese so adava valjani te ovel, ali adava pana nane kraj.

Adalese so ka uštel jekh nacija upri aver nacija hem jekh carstvo upro aver carstvo. Ko but thana ka ovel bokhalipe hem zemljotresija. Ali sai adava samo o anglunipe e bijandipnasere mukengoro.

O nebo hem i phuv ka nakhen, ali mle lafija nikad naka nakhen.”

Adalese so but džene ka aven ano mlo anav vaćerindoj: ‘Me injum o Hrist’ hem buten ka hovaven.

Tegani o manuša ka den tumen te oven mučime hem ka mudaren tumen. Sa o nacije ka mrzinen tumen zbog mande. Tegani but džene ka otperen oti vera, jekh avere ka izdajinen hem ka mrzinen. Ka ikljon but hovavne proroci hem buten ka hovaven.

O Isus phenđa lenđe: “Dikhen te na oven hovavde nekastar.

Adalese hem tumen oven spremna, adalese so o Čhavo e manušesoro ka avel tegani kad na nadinena tumen!”

Adalese džangale pazinen, adalese so na džanen ko savo dive ka avel tumaro Gospod.

“A niko na džanel adava dive hem adava sati kad adava ka ovel. Na džanen ni o anđelja ko nebo ni o Čhavo. Džanel samo o Dad.

Adalese so ka ikljon hovavne hristija hem hovavne proroci hem ka ćeren bare znakija hem čudesija sar, te šaj ine, te hovaven hem e Devlesere birimen.

Sar so inele ano vreme kad o Noje živinđa, ađahar ka ovel hem kad me, o Čhavo e manušesoro, ka avav. Sar so ano adava vreme, angleder o baro pani, o manuša hana ine hem pijena, lena pe hem dena pe sa đi o dive kad o Noje đerdinđa ki barka, a on ništa na džande đikote na alo o baro pani hem na legarđa sarijen – ađahar ka ovel hem kad o Čhavo e manušesoro ka mothoj pe.