Popularne wersety biblijne z ᤋᤥᤗᤡᤱᤛᤥᤔᤢ 18

Udostępnij

ᤕᤜᤘᤣ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤐᤥᤱᤔᤠ ᤔᤧᤴᤇᤢᤰᤔᤏᤠᤒᤠ ᤐᤠᤴ ᤌᤣ ᤘᤠ᤹ᤒᤣ᥅ ᤀᤠᤳᤏᤡᤶᤔᤠ ᤒᤠᤁᤴ ᤕᤧᤶᤔᤥ ᤀᤠᤱᤃᤠ᤹ ᤂᤧᤏᤧ᤹ᤀᤥ ᤏᤢ᤺ᤱᤀᤠᤸᤗᤧ ᤛᤠᤖᤠ᤺ᤸᤗᤧ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢᤖᤥ॥”

ᤂᤧᤸᤗᤧᤆᤥᤃᤢᤸᤗᤧ ᤛᤠᤖᤠ᤺ᤸᤗᤧ ᤀᤰᤂᤣ ᤐᤠ᤺ᤳᤋᤢᤖ ᤀᤠᤒᤠᤅᤣ ᤀᤣᤖᤧ. “ᤀᤠᤱᤃᤠ᤹ ᤜᤧᤰᤋᤱᤔᤠ ᤁᤠᤵᤔᤥᤔᤠ ᤁᤧᤍᤢᤶᤔᤠᤸᤗᤧ ᤀᤠᤰᤂᤣᤀᤠᤱ ᤛᤠᤃᤵᤔᤠ ᤛᤢᤰᤋᤢᤱᤒᤠᤒᤣ᥅ ᤜᤧᤰᤁᤩᤠᤱ ᤀᤠᤕᤧᤶᤒᤠ᤺ᤴᤏᤠᤱ ᤁᤠᤵᤐᤥᤒᤠ ᤋᤢᤶᤛᤧᤒᤣᤀᤠᤱ ᤘᤠ᤹. ᤁᤴ ᤐᤠ᤺ᤴᤏᤥ ᤌᤣ ᤀᤠᤱᤃᤠ᤹ ᤛ᤺ᤵᤔᤠ ᤂᤥᤀᤠᤒᤡ᥅”

ᤀᤒᤪᤠᤜᤠᤶᤗᤠᤶᤒᤠ ᤛᤧᤰᤂᤠᤀᤣ ᤗᤳᤇᤠ ᤕᤶᤒᤠ ᤏᤢ ᤔᤢᤰᤛᤠᤶᤛᤠᤒᤠ ᤛᤢᤘᤠᤱ ᤔᤧᤒᤥᤱ. ᤜᤧᤰᤁᤩᤠᤱ ᤂᤧᤏᤡ᤹ᤗᤢᤶᤔᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤔᤧᤄᤥᤛᤢᤖᤥ॥

ᤂᤧᤒᤩᤠᤱ ᤀᤒᤪᤠᤜᤠᤶᤔᤡᤴ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤒᤣᤛᤠᤱ ᤐᤣᤀᤠᤱ ᤔᤧᤳᤋᤢ. “ᤛᤧᤰᤂᤠᤀᤣ ᤂᤧᤏᤧ᤹ ᤛᤠᤶᤕᤥᤒᤠᤜᤠ᤹ ᤗᤠᤕᤥᤒᤠᤜᤠ᤹ᤏᤢ ᤛᤥᤖᤡᤰ ᤁᤧᤔᤧᤰᤂᤢᤛᤡᤒᤠᤒᤡ᥅ ᤂᤧ᤹ᤕᤥ ᤅᤠᤒᤥᤱ ᤛᤠᤶᤕᤥᤒᤠ ᤔᤏᤠᤜᤠ᤹ ᤔᤧᤘᤠ᤹ᤀᤡᤸᤗᤧ ᤂᤧᤴ ᤕᤧᤰᤕᤰᤁᤡᤴ ᤁᤧᤔᤧᤰᤂᤢᤒᤡ᥅ ᤂᤧ᤹ᤕᤥ ᤁᤧᤘᤠ᤹ᤒᤠ ᤅᤠᤒᤥᤱ ᤛᤠᤶᤕᤥᤒᤠ ᤔᤏᤠᤜᤠ᤹ᤖᤧ ᤗᤠᤃᤡ ᤂᤧᤴ ᤕᤧᤰᤕᤰᤁᤡᤴ ᤁᤧᤴᤍᤠᤱᤄᤢᤴᤒᤡ᥅

ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤔᤧᤳᤋᤢ. “ᤛᤍᤥᤔ ᤕᤧᤰᤕᤰᤁᤥ ᤅᤠᤒᤥᤱ ᤛᤠᤶᤕᤥᤒᤠ ᤔᤏᤠ ᤂᤥᤛᤢᤱᤛᤡᤱᤏᤧᤓᤃᤪ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤕᤧᤰᤕᤰᤁᤡᤴ ᤁᤧᤖᤧᤰ ᤋᤠᤱᤄᤢᤱ॥”