Popularne wersety biblijne z ᤋᤥᤗᤡᤱᤛᤥᤔᤢ 22

Udostępnij

ᤂᤧᤸᤗᤧᤆᤥᤃᤢᤸᤗᤧ ᤀᤒᤪᤠᤜᤠᤶᤔᤧᤸᤗᤧ ᤂᤧᤴ ᤋᤧᤴᤏᤡᤴ “ᤕᤜᤘᤣ ᤍᤠᤱᤒᤠᤸᤗᤧ ᤋᤱᤃᤠᤶ ᤆᤥᤃᤢ ᤀᤠᤒᤡ᤹” ᤔᤡᤱ ᤘᤠ᤺ᤳᤋᤢ॥ ᤔᤏᤠᤜᤠ᤹ᤖᤧ ᤀᤠᤸᤗ ᤌᤠᤖᤡᤰᤛᤠᤱ “ᤕᤜᤘᤣ ᤍᤠᤱᤒᤠᤸᤗᤧ ᤁᤢᤃᤥ᤺ᤰᤔᤠᤀᤥ ᤋᤱᤃᤠᤶ ᤆᤥᤃᤢ ᤀᤠᤒᤡ᤹” ᤑᤠ᤹ᤀᤠᤱ ᤔᤧᤒᤠ᤺ᤳᤋᤢᤖᤥ॥

ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤧᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤛ᤻ᤛᤠ. ᤂᤧᤏᤧ᤹ ᤛᤠ᤹ᤖᤡᤰ ᤗᤢᤱᤔᤠ᤹ ᤁᤧᤍᤢᤰᤋᤢᤒᤠ ᤗᤳᤌᤡᤰᤗᤰ ᤁᤧᤛ᤻ᤛᤠ ᤀᤡᤛᤜᤠᤰᤁᤧᤴ ᤔᤥᤖᤡᤕᤠᤜ ᤗᤠᤈᤣ᤹ᤀᤥ ᤋᤣ᤹ᤖᤧᤀᤠᤱ ᤐᤣᤃᤧ᤹ ᤜᤧᤰᤁᤩᤠᤱ ᤀᤠᤱᤃᤠ᤹ ᤀᤥᤛᤣ᤺ᤴᤎᤠᤰᤏᤧᤒᤠ ᤁᤥ᤺ᤰᤔᤠᤀᤥ ᤂᤧᤴ ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤛᤡᤍᤢᤱᤈᤓᤠ ᤁᤢᤀᤡᤛᤡᤰ ᤛᤡᤍᤢᤱᤈᤓᤠ ᤋᤥ᤺ᤴᤍᤧ᤹॥”

ᤂᤧᤸᤗᤧ ᤔᤧᤳᤋᤢ. “ᤂᤧᤴ ᤆᤢᤰᤐᤧᤴ ᤜᤢᤰᤔᤧᤕᤠᤰᤋᤧᤴᤏᤧ᤹ᤀᤥ. ᤜᤧᤰᤁᤩᤠᤱ ᤂᤧᤴ ᤌᤣᤀᤠᤱ ᤔᤧᤔᤧᤳᤋᤧᤴᤏᤧ᤹ᤀᤥ॥ ᤂᤧᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤁᤧᤃᤡᤖᤳᤇ ᤁᤧᤗ᤹ᤒᤠᤴ ᤀᤠᤸᤗ ᤀᤠᤱᤃᤠ᤹ ᤏᤡᤱᤘᤠ᤹ ᤂᤥᤛᤢᤱᤗᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤛ᤻ᤛᤠ. ᤗᤳᤌᤡᤰᤌᤡᤰ ᤁᤧᤛ᤻ᤛᤠ᤺ᤴᤏᤠᤱ ᤀᤠᤱᤃᤠ᤹ᤗᤠᤶ ᤁᤧᤴᤍᤠᤱᤄᤢᤴ ᤁᤧᤴᤕᤢᤰᤂᤢᤸᤗᤥ॥”

ᤀᤒᤪᤠᤜᤠᤶᤔᤧᤸᤗᤧ ᤔᤧᤳᤋᤢ. “ᤀᤠᤛ᤻ᤛᤠᤀᤣ. ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤘᤕᤠᤃᤧᤴ ᤛᤡᤍᤢᤱᤈᤓᤠᤖᤧ ᤗᤠᤃᤡ ᤌᤢ᤺ᤶᤒᤠ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤋᤠᤖᤢ ᤀᤠᤒᤡ᤹॥” ᤜᤧᤰᤁᤩᤠᤱ ᤂᤧᤱᤜᤠ᤹ ᤏᤧᤵᤔᤠᤱ ᤛᤥᤛᤥᤖᤡᤰ ᤐᤣᤛᤡ॥

ᤁᤧᤴᤍᤠᤱᤄᤢᤶᤒᤠᤸᤗᤧ ᤆᤥᤃᤢᤸᤗᤧ ᤀᤠᤱᤃᤠ᤹ ᤛᤧᤰᤂᤠᤀᤣ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤐᤡᤏᤧ॥ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤛᤠᤜᤠ᤹ ᤑᤥᤛᤢᤱᤛᤡᤱᤅᤠᤱ ᤋᤠᤱᤛᤠᤰᤁᤥᤒᤠ ᤂᤣ᤺ᤶᤛᤡᤰᤐᤠᤜᤠ᤹ ᤏᤢ ᤘᤖ᤺ᤱᤅᤡᤸᤗᤧ ᤁᤢᤕᤠᤀᤥᤒᤠ ᤕᤧ᤺ᤱᤄᤠ ᤕᤠᤖᤡᤰ ᤕᤖᤡᤰ ᤆᤥᤃᤢᤱᤛᤡᤱ᤹॥ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤔᤡᤜᤠ᤹ᤖᤧ ᤂᤢᤴᤇᤡ᤹ ᤕᤧᤰᤕᤰᤜᤠ᤹ ᤔᤧᤏᤠᤵᤋᤢᤛᤡᤖᤥ॥ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤗᤠᤶᤒᤠᤀᤣ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤔᤧᤄᤥᤛᤢ᤹. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤀᤠᤱᤃᤠ᤹ ᤀᤠᤒᤠ᤺ᤴᤈᤠ᤺ᤰᤁᤡᤴ ᤁᤧᤄᤧᤵᤛᤢᤖᤥ॥’”

ᤁᤢᤓᤠ ᤕᤧᤶ ᤀᤣᤃᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤧᤴ ᤁᤢᤏᤡᤱᤘᤠ᤹ ᤛᤠ᤹ᤖᤢ. ᤜᤧᤰᤁᤩᤠᤱ ᤂᤢᤏᤧ᤹ ᤔᤧᤳᤋᤢ. “ᤀᤒᤪᤠᤜᤠᤶᤔᤣ॥” ᤜᤶᤓᤧᤸᤗᤧ ᤂᤧᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤜᤤ. ᤀᤠᤱᤃᤠ᤹ ᤀᤠᤶᤓᤠ ᤁ᤹ᤕᤥ ᤘᤠ᤹ᤀᤠᤖᤥ॥”

ᤁᤖ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤠᤱᤗᤠ ᤀᤡᤱᤒᤠᤎᤡᤰ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤀ᤺ᤰᤋᤧᤀᤠᤱ ᤔᤧᤳᤋᤢ. “ᤀᤒᤪᤠᤜᤠᤶᤔᤣ. ᤀᤒᤪᤠᤜᤠᤶᤔᤣ᥄” ᤂᤢᤏᤧ᤹ ᤔᤧᤳᤋᤢ. “ᤀᤠᤱᤃᤠ᤹ ᤜᤠᤒᤠ ᤁᤵᤔᤥᤀᤣ ᤘᤠ᤹ᤀᤠᤖᤥ॥”

ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤠᤱᤗᤠ ᤀᤡᤱᤒᤧᤸᤗᤧ ᤏᤡᤛᤡᤃᤣᤰᤐᤠᤗᤧᤱ ᤀᤒᤪᤠᤜᤠᤶᤔᤧᤴ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤀ᤺ᤰᤋᤧᤀᤠᤱ ᤔᤧᤳᤋᤢ. “ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ. ‘ᤀᤠᤱᤃᤠ᤹ ᤀᤠᤒᤠᤅᤣ ᤀᤠᤔᤡᤱᤅᤥ ᤔᤠᤱᤜᤧᤰᤛᤡᤱᤅᤠᤀᤠᤱ ᤘᤠ᤹ᤀᤠ. ᤂᤧᤏᤧ᤹ ᤁᤱ ᤕᤠ᤺ᤶᤒᤰᤁᤡᤴ ᤁᤧᤈᤥᤃᤢᤒᤠᤸᤗᤧ ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤛ᤻ᤛᤠ. ᤗᤳᤌᤡᤰᤌᤡᤰ ᤁᤧᤛ᤻ᤛᤠ᤺ᤴᤏᤠᤱ

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤔᤧᤳᤋᤢᤒᤠ ᤋᤧᤴᤏᤥ ᤂᤢᤴᤇᤡ᤹ ᤁᤧᤖᤧᤳᤇᤡ. ᤜᤧᤰᤁᤩᤠᤱ ᤀᤒᤪᤠᤜᤠᤶᤔᤡᤸᤗᤧ ᤂᤧ᤹ᤕᤥ ᤗᤳᤇᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴ ᤌᤡᤰ ᤆᤥᤃᤢᤀᤠᤱ ᤛᤡᤱᤅᤡᤴ ᤂᤧ᤹ᤕᤥ ᤁᤢᤎᤠ᤹ᤁᤢᤎᤠ᤹ ᤛᤧᤳᤋᤢ॥ ᤜᤧᤰᤁᤩᤠᤱ ᤁᤢᤛ᤻ᤛᤠ ᤀᤡᤛᤜᤠᤰᤁᤧᤴ ᤀᤡᤄᤣ᤺ᤰᤂᤢᤀᤠᤱ ᤗᤧᤳᤋᤡ ᤋᤥ᤺ᤶᤔᤠ ᤋᤧᤴᤏᤥ ᤛᤡᤱᤛᤶᤎᤠᤱ ᤏᤧᤛ᤻ᤛᤢ॥