Popularne wersety biblijne z Saaŋ 14

Udostępnij

«Káasuumaay k'iwas fee n'aruun; káasuumaay kúuma k'iwunuun fu. Iwunutuun ko aliik naane bakate ku t'etaam ye ii kawun. Atum'ariyinoor doon fe, atum'árikoleyi yooŋ.

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Yesu n'asooñ aaniin: —Atum'ariyinoor doon fe. Áriyilen t'Atambatun, abe n'áriyilen yooŋ t'íñje.

Bare Áyokunana u, eeemo u Búwejet Beenabe bu bi Faaf u aja bu káboñina tu huruwu húuma, o kaliikenuun doon areyi fe, abe o kábaŋinanuun b'isokuun bu bireyi fe.

«An eejame u kirim kúuma, abe n'áhin naane kusoke i, o aamo fu éemaŋiam u. An éemaŋiam u, Faafam kámaŋio; íñje yooŋ kámaŋio, abe n'iŋ'ijukanoo.»

Íñje kalawu Faaf u éeboñinuun ake Áyokunana éeyemi n'aruun ko kireyi fe. O aamo fu Búwejet bumbu búwufoor ésuk i múniyo mu. Bakate ku t'etaam ye biteñekoo, ábuki kayinaato kajuku, kayinaato yooŋ kámeyi. Bare aruun árimoomio, ábuki akinakin n'aruun, o yooŋ káyemi n'aruun.

Abe doon d'arilawe fe tu huruwu húuma, íñje káhinu do, man íñje eeemo u Añi u n'íwufoor ésuk i naane Faaf u ánike i. Doon fe d'ariyino kalawu tu huruwu húuma, íñje káhinu do.

Yesu n'asooñ aane: —Arko árimaŋiammaŋi, aruun káhinu b'isokuun bu.

Báakinum bondu t'enuuf ite Faafam biheek. Arko yéeni nu múniyoiit, man isokuun bo. Bare iija ifareuun toko t'ariware du kakinu.

If'ifareuun t'ariware du kakinu ihaban, n'iŋ'ísooñin boonuun núuriboor, man n'áriyemi t'ija du káyemi.

Taamas n'aano: —Anahaan u, írimeyiit t'a̱ja du. Buŋ b'iriyino fu kámeyi bítim bu?