Popularne wersety biblijne z Jọn 16

Udostępnij

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Sokpan Orhiọn ẹmwata ni gha ghi rre, ọ gha gban uwa ghe ehe ne ẹmwata ye.

He do sẹ banbanna, wa ma he ya eni mwẹ nọ emwikemwi, wa nọ ighẹ ọ gha sẹ uwa obọ. Ne ọyẹnmwẹ uwa miẹn ehe na gha re ne ọ sẹ otọ ẹko.

Sokpan ne I ta ẹmwata ma uwa, I kpao ọ re ọ fu uwa egbe sẹ, rhunmwuda a deghẹ mẹ ma kpao, Ne ọ fu ọmwa ẹko rre i ra bu uwa rre. Sokpan mẹ gha ghi kpao, I gha gi ẹe bu uwa gha dee. Rẹn gha ghi rre, ọ gha mu ẹn so agbọn aro ighe iran rri abe orukhọ, iran ba odẹ ẹmwata ku, kevbe ọghe ibuohiẹn Osanobua.

Egbe ọre ọghe uwa khin, wanwan na, wa he khiẹ nian, sokpan, I gha vbe dọlegbe miẹn uwa, ekhọe uwa ghi vuọn ne ọyẹnmwẹ, egbe ọyẹnmwẹ ne ọmwa rhọkpa i ra sẹtin gbe ye uwa egbe. “Ọ gha sẹ ẹdẹ nẹdẹrriọ, wa i ghi ra nọ mwẹ ọta rhọkpa: Ẹmwata I tama uwa, emwi ne uwa a rhirhi ya eni mwẹ nọ Evbavba re, ọ gha rhie ẹre ne uwa.

Ne I ta ẹmwata ma uwa: Wa gha kpe orhu eve, wa ghi vbe gha viẹ, sokpan agbọn ghi gha ghọghọ, wa gha miẹn akhiẹ, sokpan a ya akhiẹ uwa khian oghọghọ.