Popularne wersety biblijne z Jọn 19

Udostępnij

Jesu ghi miẹn ayọn ni nẹ, ọ wẹẹ, “Ọ fo.” Ọ keghi vbokhọ ẹyaẹn ghe otọ ọ keghi kpan udu.

Jesu ghi miẹn wẹ a ru emwi hia orugba nẹ, ne ẹmwẹ ne ebe tae miẹn ehe na sẹ, ọ wẹẹ, “Ohanmwẹ amẹ gbe mwẹ!”

Jesu keghi bẹghe ọrhuanegbe ni ne ọ ho ẹmwẹ ọnrẹn, kevbe iye irẹn mudia ye evba. Rhunmwuda ọnii, ọ tama iye irẹn wẹẹ, “Okhuo, ghe ovbi uẹ.” Ọ keghi vbe tama ọrhuanegbe nii wẹẹ, “Ghe iye uẹ” ke ẹghẹ ni kpao, ọrhuanegbe nii keghi rhie ẹre gha rrie owa ne ọ ya tota ke irẹn.

Iran ghi sẹ ehe ne Jesu ye, iran keghi miẹn wẹ ọ wu nẹ, rhunmwuda ọnii, iran ma ghi vbiolo ẹre. owẹ. Sokpan, ọkpa vbe uwu avbe ivbiyokuo keghi so asoro ẹre ye Jesu efẹn, esagiẹn kevbe amẹ keghi gbe kua. (

A ru emwi na ne ẹmwẹ ne ebe ne ọ huanrẹn ta ẹe miẹn ehe na sẹ wẹ, “A i ra vbiolo ẹre ugboloko hiehie.” Ebe ne ọ huanrẹn vbe ta ẹe vbe ihe ọvbehe wẹ, “Iran ghi gha ghe ọmwa ne iran ye asoro so.”

Ọ keghi ke odaro ne iran, ọ mu ugbugbe ẹre, ọ keghi do sẹ ehe ne iran tie ẹre “Isi Ugboloko Uhunmwu Ọmwa,” (ne iran tie ẹre “Gọlgọta” vbe ẹvbo Hibru.)

Avbe ivbiyokuo keghi ya igban do erhu ẹde, iran keghi mu ẹn rhuẹ ẹre uhunmwu, iran keghi rhuan ẹre ukpọn ododo.