Popularne wersety biblijne z Jọn 3

Udostępnij

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Rhunmwuda Osanobua ma gie Ovbi ẹre ne ọ do gha re ne ọ bu ohiẹn agbọn, sokpan ne ọ do gha re ne ọ miẹn agbọn fan.

Jesu wanniẹn wẹẹ, “Ẹmwata ne ẹmwata ọre I tama ruẹn, ọmwa ne ọ gha sẹtin miẹn Arriọba Osanobua ẹ i rrọọ deghẹ i re te a dọlọ ẹe biẹ.”

Ọmwaikọmwa ne ọ ya ọmọ yi, a i ghi bu ohiẹn ọnrẹn sokpan ọmwaikọmwa ne ọ ma ya ẹe yi, a bu ohiẹn ọnrẹn nẹ rhunmwuda ọ ma ya ukpọmọkpa ọghe Osanobua yi.

Vbene ibuohiẹn ni ya de ọre ọ na khin wẹẹ: Uwanmwẹ rrie agbọn, sokpan emwa ne agbọn keghi ho ẹmwẹ ebiebi sẹ uwanmwẹ rhunmwuda ọkhọ ne iran ru.

Te irẹn khian gha hin usi yọ, mẹ ghi gha yẹkẹ yọ.”

Uwanmwẹ i yẹ ọmwa ne ọ ru ọkhọ, ẹ i vbe ladian idagbo, rhunmwuda ẹ i ho ne agbọn rẹn ọkhọ ne irẹn ru.

Ọmwaikọmwa ne ọ ya ọmọ yi mwẹ arrọọ ne ẹ i fo, ọmwa ne ọ ma ya ẹmwẹ Ọmọ ru emwi, ẹ i khian gha mwẹ arrọọ, sokpan izohu Osanobua gha rrọọ ẹre uhunmwu ẹdẹdẹmwẹdẹ.

Zẹ vbene Mosis ya erhan mu ẹyẹn ne a ya oze sa ni ghe odukhunmwu vbe uwu ato, erriọ zẹ ọre a gha vbe mu Ovbi Ọmwa ghe odukhunmwu.

Erha ho ẹmwẹ Ovbi ẹre, ọ keghi viọ emwi hia ye ẹtin ẹnrẹn obọ.