Popularne wersety biblijne z Jọn 6

Udostępnij

Jesu tama iran wẹẹ, “Mẹ ọrọre evbare ẹfe, ọmwa ne ọ rhirhi bu mwẹ rre, ohanmwẹ i ghi gbe ẹe ẹdẹ, ọmwa ne ọ vbe ya mwẹ yi, ohanmwẹ amẹ i ghi gbe ẹe ẹdẹ.

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Rhunmwuda emwi ne Erha mwẹ ho ọrọre wẹẹ avbe emwa hia ni miẹn Ọmọ, iran na vbe yae yi, ne iran gha mwẹ arrọọ ne ẹ i fo, mẹ ghi vbe huẹn iran hia kpaegbe vbe ẹdẹ okiekie.”

Jesu wanniẹn wẹẹ, “Emwi ne Osanobua wẹ ne uwa ru ọ na khin: wa ya ọmwa ne ọ gie yi.”

Emwa hia ne Erha mwẹ viọ mẹ gha bu mwẹ rre. Ọmwaikọmwa ne ọ bu mwẹ rre, mẹ i ra khuẹe werriegbe.

Saimọn Pita wanniẹn tama rẹn wẹẹ, “Nọyaẹnmwa, de ọmwa ne ima ra bu? Wẹ ọre ọ mwẹ ẹmwẹ ne ọ rhie arrọọ etẹbitẹ ne ọmwa.

Mẹ ọrọre evbare ẹfe ne ọ ke ẹrinmwi rre: ọmwa ne ọ rhirhi rri evbare na, ọ gha rre agbọn ẹdẹdẹmwẹdẹ. Nene evbare ne I khian rhie nẹẹn ọrọre efun egbe mwẹ ne imẹ ya fi ohan, ne agbọn miẹn ehe na miẹn uhunmwu.”

Ọmwa ne ọ gha sẹtin bu mwẹ gha dee ẹ i rrọọ vbe ẹ i re wẹ Erha mwẹ ọre ọ siẹe re, mẹ ghi vbe huẹn ọnrẹn kpaegbe vbe ẹdẹ okiekie.

Rhunmwuda evbare ne Osanobua rhie ne ọmwa ọrọre rẹn ni ne ọ ke ẹrinmwi gha dee do rhie arrọọ ne agbọn.”

Mẹ ọrọre evbare ẹfe.

Jesu keghi viọ eka ni, ọ kpọnmwẹ Osanobua, ọ kegha ẹre ne emwa ni tota nii. Erriọ ọ vbe ru ehẹn, ọ ke sẹ iran hia obọ vbene iran ho. Ugbẹn vbe ẹko ghi vuọn iran hia nẹ, Ọ khama avbe erhuanegbe ẹre wẹẹ, “Wa si iku emwi ne iran re kẹe koko ne a ghẹ mu emwi rhọkpa rhiaa.”

Avbe erhuanegbe ghi gua okọ la omwa umọdia eva ra eha nẹ, iran keghi ya bẹghe Jesu vbe ọ nana uhunmwu amẹ khian, ọ ghi khian sikẹ okọ, iran keghi wa runran. Jesu tama iran wẹẹ, “Wa ghẹ runran ighe mẹ nọ.”