Popularne wersety biblijne z Gen 1

Udostępnij

UNkulunkulu wasesithi: Asenze abantu ngomfanekiso wethu, basifuze, babuse phezu kwenhlanzi zolwandle, laphezu kwenyoni zaphezulu, lezifuyo, lenyamazana zonke zomhlaba, lakho konke okuhuquzela emhlabeni. UNkulunkulu wasemdala umuntu ngomfanekiso wakhe; wamdala ngomfanekiso kaNkulunkulu, owesilisa lowesifazana.

UNkulunkulu wababusisa, wathi kibo: Zalani lande, ligcwalise umhlaba liwunqobe, libuse phezu kwenhlanzi zolwandle, lenyoni zaphezulu, lakho konke okuphilayo okuhamba emhlabeni.

Ekuqaleni uNkulunkulu wadala izulu lomhlaba.

Umhlaba wawungelasimo, wawungelalutho; kwakukhona umnyama phezu kwamanzi, kodwa umoya kaNkulunkulu wayehambahamba phezu kwamanzi.

UNkulunkulu wasesithi: Kakube khona ukukhanya; kwaba khona ukukhanya.

UNkulunkulu wasebona konke akwenzileyo; khangela, kwakukuhle kakhulu. Kwaba khona ukuhlwa lokusa, kwaba lusuku lwesithupha.

UNkulunkulu wabona ukuthi ukukhanya kuhle; wahlukanisa ukukhanya lomnyama.

UNkulunkulu wasesithi: Khangelani, ngilinika yonke imibhida ethela inhlanyelo esemhlabeni wonke, lezihlahla zonke ezilezithelo eziveza inhlanyelo, ukuba kube yikudla kwenu.

UNkulunkulu wakubiza ukukhanya ngokuthi yimini, lomnyama wawubiza ngokuthi yibusuku. Kwaba khona ukuhlwa lokusa, kwaba lusuku lokuqala.

UNkulunkulu wasesithi: Kakube khona umkhathi phakathi kwamanzi, wahlukanise amanzi lamanzi.

Zonke inyamazana zomhlaba lenyoni zonke zaphezulu lakho konke okuhuquzela emhlabeni okuphilayo, nginika zona yonke imibhida eluhlaza ukuba ibe yikudla; kwaba njalo.

UNkulunkulu wasesithi: Kakube khona emkhathini wezulu izikhanyiso ezahlukanisa imini lobusuku, zibe yizibonakaliso zezibanga, lezensuku lezeminyaka

UNkulunkulu wasesithi: Umhlaba kawuveze utshani, lemibhida ethela inhlanyelo, lezihlahla ezithela izithelo ezilenhlanyelo yazo, ngezinhlobo zazo. Kwaba njalo.

UNkulunkulu wenza umkhathi, wahlukanisa amanzi angaphansi komkhathi lamanzi aphezu komkhathi; kwaba njalo.

Umhlaba wasuveza utshani, lemibhida ethela inhlanyelo ngezinhlobo zayo, lezihlahla ezithela izithelo ezilenhlanyelo yazo, ngezinhlobo zazo. UNkulunkulu wabona ukuthi kuhle.

UNkulunkulu wenza izikhanyiso ezimbili ezinkulu, isikhanyiso esikhulu ukuba sibuse imini, lesikhanyiso esincinyane ukuba sibuse ubusuku; wenza lezinkanyezi.

UNkulunkulu wasesithi: Amanzi angaphansi kwezulu kawaqoqeke ndawonye, kubonakale umhlabathi owomileyo; kwaba njalo. Umhlabathi owomileyo uNkulunkulu wawubiza ngokuthi ngumhlaba, lamanzi aqoqeke ndawonye wawabiza ngokuthi lulwandle. UNkulunkulu wabona ukuthi kuhle.

UNkulunkulu wazibusisa, wathi: Zalani, lande, ligcwalise amanzi olwandle, lenyoni zande emhlabeni.

UNkulunkulu wasesithi: Umhlaba kawuveze inhlobo zonke zezidalwa eziphilayo, izifuyo, lokuhuquzelayo, lezinyamazana zomhlaba ngenhlobo zazo; kwaba njalo.

UNkulunkulu wasesithi: Amanzi kawagcwale izidalwa ezinengi eziphilayo, kuphaphe izinyoni ngaphezu komhlaba emkhathini wezulu.

UNkulunkulu wenza inyamazana zomhlaba ngenhlobo zazo, lezifuyo ngenhlobo zazo, lakho konke okuhuquzela emhlabeni ngenhlobo zakho. UNkulunkulu wabona ukuthi kuhle.