Popularne wersety biblijne z मती 24

Udostępnij

अधरम रै बढ़नै ऊं लोगां में परैम भाव घट जावैला, पण जिकौ अंत तांई धीरज राखैला, उणी रौ उद्धार होवैला।

अर राज रौ ओ सुभ संदेस सैंग जगत में परचार कियो जावैला, की सैंग देसो ऊपर गवाई हो, तद अंत आ जावैला।

थै लड़ाईयां अर लड़ाईयां री चरचा अर अफवा सुणोला, तो घबरा नीं जाणौ क्यूंकै इण रौ होणौ जरुरी है, पण उण वैळा अंत नीं होवैला।

क्यूंकै मिनख ऊपर मिनख अर देस ऊपर देस चढ़ाई करैला, अर जगा जगा अकाळ पड़ैला, अर भूकम्प आवैला। पण ऐ सैंग बातां तकलीफो री सरूआत है।

आभौ अर धरती टळ जावैला, पण म्हारी बातां कदैई नीं टळैला।

क्यूंकै घणा ऐड़ा होवैला जिकौ म्हारै नाम ऊं आन कैवैला, ‘म्हैं मसीह हूं,’ अर घणौ नै भरमावैला।

“तो वे सताणे रै वास्तै थांनै पकड़ाई, अर थांनै मार नोखेला, अर म्हारै नाम रै कारण सैंग देस रा लोग थौरे ऊं बैर राखैला। उण दिनां में तो घणा परमेसर ऊपर विसवास करणौ छोड़ दैला, अर एक दूजै नै धोखे ऊं पकड़ाई, अर एक दूजै ऊं बैर राखैला। घणा झूठा भविसयदाता परगट होई, अर घणौ नै भरमावैला।

यीसु उणौनै जबाब दियौ, “सावचेत रैवौ! कोई थांनै वैम मे नीं घाले

इण वास्तै थै भी तैयार रैजो, क्यूंकै जीण घड़ी रै बारै में थै सोच्यौ ई कोनीं हो, उण घड़ी म्हैं, मिनख रौ बेटौ आ जावूंला।

“इण वास्तै जागता रौ, क्यूंकै थै नीं जांणौ की म्हैं थौरो परभु कीण दिन आऊंला।

“उण दिन अर उण घड़ी रै बारै में कोई कोनीं जांणै, नीं सरग रा दूत अर नीं बेटौ पण कैवल पिता ही जांणै।

“क्यूंकै झूठा मसीह अर झूठा भविसयदाता परगट होई, अर मोटा चिन्ह अर अचूम्बे रा कांम दिखाई की हो सकै तो चुणयोड़ौ नै भी भरमा सकै।

ज्यूं नूह रै दिनां में होयौ, व्यौंही म्हैं, मिनख रै बेटे रौ भी आवणौ होवैला। क्यूंकै ज्यूं जळ प्रलय ऊं पैला रै दिनां में, जीण दिन तांई की नूह नाव माथै नीं चढ़यौ उण दिन तांई लोग खा पी रिया हा अर उणौ में ब्याव हो रिया हा। अर जैड़ी तांई जळ प्रलय आन उण सैंगो नै बहा नीं ले गियौ, वटै तांई उणौनै कांई ध्यांन नीं पड़ियौ, व्यौंही म्हैं, मिनख रै बेटे रौ आवणौ होवैला।