Popularne wersety biblijne z रोमियो 4

Udostępnij

अर नीं अविसवासी होयनै परमेसर रै वायदे माथै वेम कियो, बल्कि विसवास में पको होयनै परमेसर री महिमा की। उणनै पूरौ भरोसौ हो की परमेसर उणनै जिकौ वायदो दियौ है, उणनै पूरौ करणै में वो पूरी तरैह सामरथ है।

ज्यौ पवितर सास्तर में लिख्योड़ौ है, “म्हैं थांनै घणी जातियो रौ पिता ठैरायौ है।” उण परमेसर री निजर में अबराहम म्हौरौ पिता है जिणनै उण परमेसर माथै विसवास कियो है। अर परमेसर जिकौ मरयोड़ौ नै जिलावै है, अर जिकौ बातां है ही कोनीं, उणरौ नाम ऐड़ौ लेवे है की मांनौ वे है।

यीसु म्हौरै अपराधो रै लियै पकड़ायौ गियौ, अर म्हौरै धरमी ठैराणै रै लियै मरयोड़ौ में ऊं जिलायौ भी गियौ।

अबराहम नै कोई आस नीं होणै पर भी आसा राखनै विसवास कियो, इण वास्तै वचन रै अनुसार “थारौ वंस ऐड़ौ होवैला,” वो घणी जातियो रौ पिता हो।

इण वास्तै सिद्ध है की परमेसर रौ वायदो विसवास रौ फळ है अर ओ फोगट में ही मिळै है। इण तरैह उणरौ वायदो अबराहम रै सगळै वंस रै लियै पको है, नीं कैवल उणौरै वास्तै जिकौ व्यवस्था नै मांनै है, बल्कि उण सगळौ रै लियै भी जिकौ अबराहम रै ज्यूं विसवास राखै है। वो म्हौ सगळौ रौ पिता है।

“धन्य है वे जिणौरे अधरम रै कांमां नै माफ किया, अर जिणौरे पापों नै ढ़क दिया। धन्य है वो मिनख जिणनै परभु पापी न ठैरावै।”

पवितर सास्तर कांई कैवै है? ओ की, “अबराहम नै परमेसर माथै विसवास कियो, अर इण ऊं वो धारमिक मान्यौ गियौ।”