Popularne wersety biblijne z रोमियो 7

Udostępnij

म्हौरै परभु यीसु मसीह रै जरियै परमेसर रौ धन्यवाद हो। इण वास्तै म्हैं खुद बुद्धि ऊं तो परमेसर री व्यवस्था रौ सेवक, पण सरीर ऊं पाप री व्यवस्था रौ गुलाम हूं।

क्यूंकै म्हैं जांणूं हूं की म्हारै में मतलब म्हारै सरीर में कोई बड़िया चीज वास कोनीं करती। बड़िया कांम करनै इछा तो म्हारी है, पण बड़िया कांम म्हारै ऊं कोनीं होवै।

क्यूंकै जिकौ बड़िया कांम म्हैं करणौ चावूं हूं, वो तो नीं करतौ, बल्कि जिकौ म्हैं नीं करणौ चावूं, वो इज भूंडा कांम म्हैं करूं हूं।

पण म्हैं वोहीज करूं हूं जिणरी इछा कोनीं करूं, तो उणरौ करणैवाळौ म्हैं नीं हूं, बल्कि वो पाप है जिकौ म्हारै में बसयोड़ौ है।

इण तरैह म्हैं ओ नियम पाऊं हूं की जद भलाई करनै री इछा करूं हूं, तो बुराई नै ही पाऊं हूं। क्यूंकै म्हैं अपणी अन्तरात्मा ऊं तो परमेसर री व्यवस्था ऊं घणौ खुस रैवूं हूं।

अर म्हैं वोहीज करूं हूं जिकौ म्हैं नीं करणौ चावूं, तो म्हैं स्वीकार करूं हूं की व्यवस्था उतम है।