Popularne wersety biblijne z Najə̄ kə́ Majə yā Jeju ń Luk ndang ní 12

Udostępnij

I beé ní ī-ndiī dɔ rɔ̄sí tə́ majə tɔdɔ̄ kum mbang ń Ngōn̄ Deē a reēń ní ī-gerī alé.

Yá̰á̰ ń kadə̄ ī-sāāī ní, i *Ɓē ko̰o̰ yān. Loo ń noō tə́ ni a adə̄sí yá̰a̰ gə̄ ń ndoōn rāāsí ní gō tə́.

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

Tɔdɔ̄ i loo ń dūbə̄ yá̰a̰ kənge yāsí gə̄ i tū tə́ ní n, kemsí i tū tə́ ō ní.

I náā dansí tə́ n asə kənī ndɔ̄n ta madə̄ tə́ kə̄ kété sḛ́ý kə gō sōl̄ ń ni a sōl̄ tə́ ní?

Gō tə́ anī Jeju əda ngé ndóō yá̰a̰ yān gə̄ na: I tām̄ najə̄ ń noō tə́ n m-ə́dásí na kə ī-lōōī sōl̄ najə̄ yā yá̰á̰ kə́ kadə̄ ə́saī tə́ tá kadə̄ ī-ndiīneé kə kumsí ō, najə̄ yā kūbə̄ kə́ yā kadə̄ ō̰ō̰ī tə́ ō ní.

Tá nənga dɔsí gə̄gē ní i kə́ Nə́ɓā tə́da kutən malang. I beé ní ī-lōōī ɓōĺ, tɔdɔ̄ gātə̄sí tɔȳ gātə̄ kə́lē gə̄ malang!

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí *Ɓē ko̰o̰ yān.

Á̰a̰ī ká̰ā̰ gə̄, nin̄-dubə̄n̄ kōō aĺ ō, əjan̄ kōō aĺ ō, nin̄-əngen̄ loo kə́ yā ngɔ̄məń kōō aĺ ō, mō̰ȳ yādə́ gətóo ō, banī Nə́ɓā adə̄də́ yá̰a̰ kəsa! Tá gātə̄sí sḭḭ̄ tɔȳ yā yel̄ gə̄ sa̰y ngá̰ý!

I beé ní sḭḭ̄, ī-lōōī sāā yá̰á̰ ń kadə̄ ə́saī ní ō, kadə̄ ā̰yī ní ō, ī-lōōī ka̰a̰ woy woy najə̄n tə́ ō.

Sḭḭ̄ ngé taā kem mámák aĺ gə̄ ń toō, ré mu kə́ bembeé gə̄ ń ran̄ ɓōólaā ba bírí anī a ɓōkə́n̄də́ kɔ̄ɔ́ kum hor tə́ ní Nə́ɓā adə̄də́ kūbə̄ kə́ majə tītə̄ ń noō anī, a adə̄sí sḭḭ̄ kadə̄ tɔȳ loo ń noō aĺ a?

Tɔdɔ̄ yá̰á̰ kógə̄ḿ kə́ to loo mundə̄ tə́ kə́ kadə̄ dɔ teē ndágá aĺ ní gətóo ō, yá̰á̰ kə́ to loo ɓɔ̄ɔ̄ tə́ kə́ kadə̄ deē ger̄ aĺ ní gətóo ō.