Popularne wersety biblijne z Najə̄ kə́ Majə yā Jeju ń Luk ndang ní 17

Udostępnij

Gō tə́ anī ədan na: Ḭ́ḭ dɔɔ́ ba āw̄ loo yāí, taā kem yāí ajiī.

Ba ré ni-rāā yá̰á̰ kə́ majaĺ seí nja sīrí ndɔ̄ mbang kógə̄ḿ tə́, ba tél reē ədaī nja sīrí ədaī na n-gḛy tūr̄ hálən anī, ī-māȳ rɔ̄í dɔn tə́.

Dan ń nge kógə̄ḿ dandə́ tə́ a̰a̰ kadə̄ bānjə̄ ur̄ rɔ̄n tə́ kɔ̄ɔ́ anī, tél dɔ njan tə́, a ɔsə gɔn Nə́ɓā dɔɔ́ dɔɔ́ kə ndūn kə́ boó, reē ɔsə non nang tə́ nja Jeju tə́ ba ndadə̄n, ba deē ngeé ń noō i de kə́ Samari.

Sḭḭ̄ kɔ́ gə̄ ī-ndiī dɔ rɔ̄sí tə́ majə. Ré ngōkó̰ó̰í rāā yá̰á̰ kə́ majaĺ seí anī ī-ɓārə́n ba ɔ́jən kum ba ré ni-gḛy tūr̄ hálən anī, ī-māȳ rɔ̄í dɔn tə́.

Anī Jeju un najə̄ əda na: Adə̄ ngé bānjə̄ kə́ kutə gə̄ ní, bānjə̄ ur̄ rɔ̄də́ tə́ kɔ̄ɔ́ malang aĺ i mbée a? Ngé kə́ ndōhó gə̄ ní, nin̄ i rá?

Kɔ́ɔ̄ɓē tél ədadə́ na: Ré taā kem yāsí bo asə kə kum mutardə gə̄gē anī, sḭḭ̄ ə́daī kāgə̄ kótə̄ ń ra noó najə̄, ə́daniī na kə ī-ɓə̄ngā kə gír ngəraí ba āw̄ ī-ra kum bā bo tə́ nú anī, a oō tasí.

Deē ń o̰o̰n ta rɔ̄n ngá̰ý kadə̄ kə n-tḭ̄ḭ̄ ta aĺ ní a tḭ̄ḭ̄ ta rɔ̄n. Ba deē ń tḭ̄ḭ̄ ta rɔ̄n ní kɔ́ɔ̄ a ajə rɔ̄n.

Gō tə́ anī, Jeju əda ngé ndóō yá̰a̰ yān gə̄ na: Loo kadə̄ de kə́rēý gə̄ kə tə́sōn̄ kə gō hál madə̄də́ gə̄ ō, najə̄ kə́ tadə́ tə́ ō, aĺ ní gətóo i kə́ bátə́ gə̄ tə́, ba rɔ̄ tō ndoō i kə nge ń madə̄n gə̄ tə́sōn̄ sɔɔ̄ ń gō hálən kə́ majaĺ ō, gō najə̄ kə́ tan tə́ ō ní. I só tə́ ngá̰ý tām̄ yān tə́ kadə̄ do̰ō̰n̄ mbal̄ riī yá̰á̰ kə́ bo míndən tə́, ba bḭ́ḭ̄ ənīnən̄ kum bā bo tə́ kɔ̄ɔ́, tɔȳ kadə̄ ni-rāā adə̄ de kə́ kógə̄ḿ beē kə́ dan de kə́ dūú gə̄ ń toō tə́ əsō sɔɔ̄ ń dɔ hálən ō, najə̄ kə́ tan tə́ ō.

Ndɔ̄ gə̄ yā Ngōn̄ Deē tə́ anī, a to i tītə̄ nəkɔ́ kə́ ndɔ̄ gə̄ yā Noe tə́ ō. De gə̄ əsan̄ yá̰a̰ ō, a̰ȳn̄ ō, táān̄ naā ō, bátə́ kadə̄ ugə̄ń ndɔ̄ ń Noe udəń kem to bo tə́ á man̄ kaw̄ tɔ̄l̄ńdə́ malang kɔ̄ɔ́ ní.