Popularne wersety biblijne z Najə̄ kə́ Majə yā Jeju ń Mark ndang ní 12

Udostępnij

Jeju tél ədan na, kə́ kété bang n toó: *Israel gə̄ ōōī, i Kɔ́ɔ̄ɓē Nə́ɓā yājí n i Kɔ́ɔ̄ɓē kógə̄ḿ beē, ādə̄ ā ī-táriī Kɔ́ɔ̄ɓē Nə́ɓā yāsí kə kemsí malang ō, kə dā̰ rɔ̄sí malang ō, kə gír̄ kə́ kemsí tə́ malang ō, kə tɔ́gə́sí malang ō. Ba kə́ nge ko̰ jōó n toó: Ā ī-tár deē madí tītə̄ ngarān̄g kum rɔ̄í īkɔ́ beē. Gō míndə́ kə́ rang kə́ bo tɔȳ ngé ń toō gətóo.

Tā anī Jeju ɓāŕ ngé ndóō yá̰a̰ yān gə̄, ədadə́ na: Ādə̄ m-ə́dásí najə̄ kə́ bo ngá̰ý, dəyá̰ kə́ ngaa koy kə́ nge ndoō ń toō ɓōkə́ nar kem loo ń a ɓōkə́n̄ tū tə́ ní tɔȳ gotə gə̄ malang. Tɔdɔ̄ nin̄ malang ní ɔrə̄n̄ i ta yādə́ kə́ na̰y kə̄ ndágá gə̄ n ənīn̄ tū tə́ ní. Banī dəyá̰ ń toō ni ɓōkə́ i yá̰a̰ ndoō yān malang kə yá̰á̰ ɓáā ta yān ń kadə̄ əsań yá̰á̰ tá ndiń kə kumneé ní.

Jeju ndi kumən sɔɔ̄ loo ń a ɓōkə́n̄ nar tū tə́ kem *kújə yā Kɔ́ɔ̄ɓē tə́ ní, yā ka̰a̰ loo ɓōkə́ ń kósə de gə̄ a ɓōkə́n̄ nar tū tə́ ní. Ngé yá̰a̰ kal̄ loo gə̄ ɓōkə́n̄ ngá̰ý tū tə́. Dəyá̰ kógə̄ḿ kə́ ngaa koy kə́ nge rɔ̄ tō ndoō reē ō. Ni-ɓōkə́ súū kə́ kum mbutə gə̄ jōó tū tə́. Na̰y i nja mətá tá kadə̄ rāā sísi kógə̄ḿ.

Ba kadə̄ deē tárən kə kemənneé malang ō, kə gír kə́ kemən tə́ malang ō, kə tɔ́gəneé malang ō, kadə̄ ni-tár madə̄n tītə̄ ngarān̄g kum rɔ̄n nəkɔ́ ō, ń toō tɔȳ *yá̰a̰ tun̄ kə́ róōn̄ horó kə yá̰a̰ tun̄ gə̄ malang.

Anī Jeju ədadə́ na kə tél adə̄n̄ Sejar yá̰á̰ ń i yā Sejar ní ō, kə tél adə̄n̄ Nə́ɓā yá̰á̰ ń i yā Nə́ɓā ní ō. Adə̄ ɔr kumdə́ seneé ngá̰ý.