Popularne wersety biblijne z Najə̄ kə́ Majə yā Jeju ń Mark ndang ní 14

Udostępnij

Ni-əda na: Aba, Bɔbə́ḿ, ḭ̄ ásə rāā yá̰a̰ malang, úń kópə́ ń toō dɔḿ tə́ kɔ̄ɔ́. Banī kadə̄ i kə gō kem ndigə yāḿ alé, ba kadə̄ i kə gō kem ndigə yāí ḭ̄ kɔ́ tá.

Ī-lōōī ɓīī, ba ī-ndɔ̄yī tá kadə̄ údiīneé dan yá̰a̰ gə̄ ń a nāān̄sí kadə̄ ə̄sōī tə́ ní alé. Tɔdɔ̄ ndíl deē ndigə rāā yá̰á̰ kə́ majə, ba dā̰ rɔ̄ deē ngan̄g alé.

Ādə̄ m-ə́dásí najə̄ kə́ bo ngá̰ý, loo malang ń a ənīn̄ mbēr̄ Najə̄ kə́ Majə tū tə́ dɔ nang tə́ laā ní, a ɔrə̄n̄ najə̄ yá̰á̰ ń dəyá̰ ń toō rāā ní ō, kadə̄ əgań kem de gə̄ dɔn tə́.

Anī ɓōĺ əla gír rāān ō, ni-sōl̄ ō, ba ni-ədadə́ na: Rɔ̄ḿ nelə̄m̄ aĺ tītə̄ kə́ yā kadə̄ m-óy kɔ̄ɔ́ beē, ī-ndiī laā kə kumsí njáý njáý.

Dan ń a əsan̄ yá̰á̰ anī Jeju un mápa, ndadə̄ Nə́ɓā dɔ tə́ ō, tétə̄ naā tə́ ō, ba adə̄də́, əda na: Ī-taāī, nge ń toō i rɔ̄ḿ.

Gō tə́ anī un kópə, ndadə̄ Nə́ɓā dɔ tə́, ba adə̄də́, adə̄ nin̄ malang a̰ȳn̄. Ni ədadə́ na: Nge ń toō i mósə́ḿ, i mósə *madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō.

Jeju ədadə́ na: Sḭḭ̄ malang ā ə́ya̰mī kɔ̄ɔ́, tɔdɔ̄ i kə́ ndang kem makətūbūú na: M-ā m-ə́nda nge kul̄ batə̄ gə̄, anī ɓūtə̄ batə̄ gə̄ a tḭ̄ḭ̄n̄ naā kə̄ loo gə̄ tə́.

Ḭ́ḭī dɔɔ́, j-awī! Á̰a̰ī nge kəlam̄ jī de gə̄ tə́ ugə̄ kɔ̄ɔ́.

Ba Jeju tél ədan na: Ādə̄ m-ə́daī najə̄ kə́ bo ngá̰ý, ndɔ̄ɔ́ ɓōólaā nəkɔ́ ń toō, kété pá tá kadə̄ kə́ra kə̄njá nōō nja jōó ní, ā ī-nējə̄ nja mətá ə́da na ī-gerə̄m̄ alé.